«Qazgidromet» sinoptikteri 14 qańtarǵa arnalǵan aýa raiy boljamyn jariialady, dep habarlaidy "Ult aqparat".
Qazaqstan territoriiasy Salehard aýdanynan keletin antitsiklon yqpalynda bolady.
Tek elimizdiń batys aýmaǵyna Qara teńiz aýdanynan keletin tsiklon óz áserin tigizedi, soǵan bailanysty batys óńirlerde jańbyr men qar jaýady.
Sonymen qatar ońtústik-batysta fronttardyń ótýine bailanysty túnde jáne tańerteń kei jerlerde qar jaýady.
Respýblikanyń kei jerlerinde tuman túsip, jel kúsheiedi, jaiaý burqasyn kóteriledi.
Ońtústik-shyǵys pen batysta kóktaiǵaq saqtalady, ońtústik-batysta shańdy daýyl soǵady.
Batys Qazaqstan oblysynyń kei jerlerinde tuman, kóktaiǵaq, jaiaý burqasyn kútiledi, jel ekpini - 15-20 m/s.
Mańǵystaý oblysynyń kei jerlerinde shańdy daýyl soǵady. Jel qarqyny 23-28 m/s jetedi.
Atyraý oblysynyń kei jerlerinde jaiaý burqasyn turady, jel jyldamdyǵy 25 m/s deiin kúsheiedi.
Aqtóbe oblysynyń kei jerlerinde boran soǵady, jeldiń kúshi - 15-20, Muǵaljar aýdanynda - 23-28 m/s bolady.
Qyzylorda, Túrkistan oblystarynyń kei jerlerinde tuman túsedi, jel ekpini - 15-20 m/s.
Jambyl oblysynyń kei jerlerinde tuman túsedi, jel qarqyny - 15-20 m/s. Túnde jáne tańerteń jaiaý burqasyn kóteriledi.
Almaty oblysynyń kei jerlerinde túnde kóktaiǵaq bolady. Túnde jáne tańerteń tuman túsedi, kúndiz jel jyldamdyǵy 15-20 m/s deiin kúsheiedi.
Shyǵys Qazaqstan oblysynyń kei jerlerinde túnde jáne tańerteń tuman túsip, boran soǵady.
Aqmola, Qostanai, Soltústik Qazaqstan, Pavlodar oblystarynyń kei jerlerinde tuman túsedi.
