Sýret: Abai oblysynyń ákimdigi
14 adamnyń ólimine ákep soqqan "Semei ormany" memlekettik tabiǵi rezervatyndaǵy alapat órtke kináliler anyqtalyp, Borodýliha aýdandyq soty eki qyzmetkerge qatysty úkim shyǵardy, dep habarlaidy "Ult aqparat".
Sot "Semei ormany" rezervatynda jáne Novoshýlba filialynda basshylyq laýazymdardy atqarǵan V. jáne K. orman órti kezinde olarǵa júktelgen órtti sóndirýdi uiymdastyrý jónindegi mindetterdi oryndamaǵanyn, jaǵdaidy durys baǵalamaǵanyn jáne órtti sóndirý kezinde qaýipsizdik tehnikasynyń saqtalýyn qamtamasyz etpegenin, sonyń saldarynan 14 adam qaza tapqanyn anyqtady.
V. jáne K. kinási kýágerlerdiń aiǵaqtarymen, júrgizilgen saraptamalarmen, oqiǵa ornyn tekserý hattamalarymen, zattai dáleldemelerdi alý hattamalarymen jáne t. b. tolyq dáleldengen.
"QK-niń 292-babynyń 3-bóliginiń sanktsiiasymen 3 jylǵa deiingi merzimge belgili bir laýazymdardy atqarý nemese belgili bir qyzmetpen ainalysý quqyǵynan aiyra otyryp, 5 jyldan 10 jylǵa deiingi merzimge bas bostandyǵynan aiyrý túrindegi jaza kózdelgen", - delingen habarlamada.
Sottalýshylardyń ekeýinde de jas balalardyń bolýy jáne aýyrlatatyn mán-jailardyń bolmaýy túrindegi jeńildetetin mán-jailardy eskere otyryp, sot V. jáne K. - ny kináli dep taýyp, árqaisysyna 7 jyl bas bostandyǵynan aiyrý jazasyn taǵaiyndady.
Sot úkimi zańdy kúshine engen joq.
