Qostanai oblysynyń Áýliekól aýdanynda kásipkerlik bastamany qoldaýǵa berilgen memlekettik granttyń maqsatsyz paidalanylǵany anyqtaldy, dep habarlaidy ult.kz.
2023 jyly azamatqa biznes jobasyn júzege asyrý úshin 1,38 mln teńge kóleminde memlekettik grant bólingen. Alaida grant qarjysyna satyp alynǵan jabdyq kórsetilgen maqsatqa sai paidalanylmaǵan. Budan bólek, onyń tehnikalyq sipattamalary eseptik qujattarda kórsetilgen málimettermen sáikes kelmegen.
Osy derek boiynsha prokýratýra materialdary negizinde alaiaqtyq belgilerimen sotqa deiingi tergep-tekserý bastaldy.
Tergeý barysynda azamat memleketke keltirilgen 1,38 mln teńge kólemindegi zalaldy tolyq ótep, qarajatty biýdjetke óz erkimen qaitardy.
Kinásin moiyndap, keltirilgen shyǵyndy erikti túrde ótegeni eskerilip, qylmystyq is aqtalmaityn negizder boiynsha toqtatyldy.
Prokýratýra memlekettik granttardyń naqty biznes jobalaryn júzege asyrýǵa beriletinin eske saldy. Biýdjet qarajatyn maqsatsyz paidalaný zańda belgilengen jaýapkershilikke ákep soǵady.
