«Taliban» qarýly toby (Tájikstanda tyiym salynǵan) Aýǵanstannyń Kýndýz provintsiiasyndaǵy Sherhon-Bandar shekara komissariatyna shabýyl jasady, dep habarlaidy Hovar agenttigi.
Hovarǵa kelip túsken Tájikstan Respýblikasy UQK Shekara áskeri baspasóz ortalyǵynyń málimdemesinde osylai delingen:
«22 maýsym kúni saǵat 09.00-ge deiin sozylǵan qarýly qaqtyǵystyń saldarynan AIR úkimet áskeriniń 134 áskeri qyzmetshisi Tájikstan Respýblikasynyń aýmaǵyna «Piandj» shekara jasaǵynyń 3-shi jáne 4-shi zastavalary arqyly sheginýge májbúr boldy.
Tájikstan shekarashylary gýmanizm men tatý kórshilik printsipterin basshylyqqa ala otyryp, memlekettik shekaradan ótken aýǵan áskeri kúshterine Tájikstan aýmaǵyna kedergisiz kirýge ruqsat berdi.
AIR áskeri qyzmetshileriniń arasynda 4 adam jaralanyp, 1 adam qaza tapty.
TR men AIR arasyndaǵy shekaradaǵy jaǵdai shielenisti dep baǵalanyp otyr. Sherhon-Bandar aýmaǵynda jaralanǵan, óltirilgen jáne tutqynǵa alynǵan aýǵan áskerleriniń jalpy sany 100-ge jýyq.
Rastalǵan aqparatqa sáikes, sońǵy on kúnde Tájikstanmen shektesetin IIR-dyń tórt provintsiiasynda úkimet kúshteri men «Taliban» qozǵalysy arasynda qaqtyǵystar bolyp jatyr.
Sol sebepti Chaheb, Iangi Kalha, Darkad, Dashti Kala, Tahor provintsiiasynyń Hodjagor ýezderi, Dashti Archi, Imom Sohib jáne Kýndýz provintsiiasynyń Kalai Zol ýezderi, sondai-aq Sherhon-Bandar men Kokýl ótkizý pýnktteri talibterdi baqylaýǵa aldy.
