Egemendi eldiń 25 jyldyǵy qarsańynda jaryqqa shyǵyp otyrǵan otandyq ónimniń suranysqa ie bolyp jatqany bizdi qýantty. Jas býyn ókili «Táýelsiz el jastary» qoǵamdyq qorynyń múshesi Sailaýhan Abylai bastaǵan osynaý ónimniń ereksheligi men qyr-syryn bilý úshin suhbattasyp kórip edik. Sol suhbatty sizderge usynyp otyrmyz.
- Bundai kiim úlgisin oilap tabýǵa ne sebep boldy? Negizgi maqsattaryńyz qandai?
- Biylǵy jyl biz úshin erekshe este qalatyn jyl bolýy kerek. Sebebi qanshama ǵasyrlardan bergi ata-baba armany búgingidei beibit elde, bir týdyń astynda ǵumyr keshý bolatyn. Shúkir, Táýelsizdik tańynyń atqanyna 25 jyl tolǵaly otyr. Kez kelgen adam óziniń, ata-anasynyń, dostarynyń týǵan kúnin mereke retinde atap ótip, quttyqtaityny anaq. Al bul mereke bizdiń Otanymyzdyń, Qazaqstanymyzdyń shirek ǵasyrlyq merekesi. Endeshe ony este qalatyndai atap ótý, siz ben bizdiń boryshymyz dep bilem. Osy oraida biz de ózimizdiń tarapymyzdan osyndai kiim úlgisin barsha halyqqa usynyp, egemendigimizdi ulyqtaýǵa úles qossaq dep otyrmyz.
- Dizaindy ózderińiz oilap taptyńyzdar ma? Joq álde tapsyrys pa?
- Adamnyń boiynda Otanyna degen erekshe ystyq mahabbat bolady. Ol bizdiń árqaisymyzdyń júregimizde saqtaýly. Dizain da sondai júrekten shyqqan desem artyq bolmas. Bir qaraǵanda qarapaiym bolyp kórinýi múmkin. Biraq ar jaǵynda astarly oi, tarihymyzǵa degen súiispenshilik jatyr. El táýelsizdiginiń 25 jyldyǵy toiyna jastarymyzdyń tarapynan qosylǵan azdaǵan úles dep oilaimyn. Ár qazaq balasynyń keýdesinde "Meniń Qazaqstanym" degen patriottyq sezim týlap júrse degen izgi oi. Dizaindi ózimniń aǵam sýretshi Nurbol Jaqypbaiuly ekeýmiz bir aidan astam ýaqyt oilastyryp otyryp jasadyq.
- Satyp alý úshin tapsyrysty qalai berýge bolady? Almatydan bólek qai qalalar tapsyrys bere alady?
- Qazaqstannyń kez kelgen buryshynan tapsyrys berýge bolady. Tipti shalǵaida jatqan aýyldarǵa da jetkizý qarastyrylǵan. Ol úshin «tauelsizel.zhastary» atty bizdiń saitqa kirip, sol jerden ózine unaǵan dizaindaǵy fýtbolkaǵa tapsyrys berýge bolady. Sonymen qatar áleýmettik jeliler arqyly tikelei saitqa kirýge bolady. Bolmasa 8707 462 04 07, nómeri arqyly da tapsyrys berýge bolady.
- Tapsyrys berip qyzyqqandar bar ma?
- Árine bar. Jaqynda Almaty qalasynyń turǵyny óziniń januiasyna arnap alty fýtbolka satyp aldy. Jubaiymen qosa eki ul, eki qyzyna. Ózi kúndelikti jumysqa kiip barady eken. Biz buǵan árine qýanyshtymyz. Elimizde az ýaqyttyń ishinde bolǵan birneshe qaiǵyly oqiǵalar halyqty úreilendirip qoiǵany ras. Osyndai ýaqytta bizge birlik pen yntymaqtan bólek qazaqy rýhty kóterý kerek. Ásirese jastarymyzdyń eline degen, jerine degen otansúigishtik rýhy myqty bolýy tiis. Sebebi kez kelgen memlekettiń negizgi qozǵaýshy kúshi ol – jastar. Sondyqtan Qazaqstannyń qai buryshynda júrse de osyndai kiim úlgisin zor maqtanyshpen kiedi dep oilaimyn.
- Suhbattasqanyńyzǵa alǵys bildiremiz!
Ult portaly
