"Rio-de-Janeiroda ótip jatqan HHHI Olimpiada oiyndarynda bokstan 81 keli salmaq dárejesinde óner kórsetetin otandasymyz Ádilbek Niiazymbetov óziniń finaldyq jekpe-jeginde jeńilis taýyp, kúmis júldeni mise tutty", - dep jazady "Ult aqparat".
Úsh raýndtyq kezdesýde tóreshiler jeńisti biraýyzdan kýbalyq Hýlio Sesar La Krýsqa berdi. Qorytyndy esep – 3:0 (30-27,30-27, 30-27). Osylaisha, jerlesimiz eki jyl qatarynan Olimpiadanyń kúmis júldesine ie bolyp otyr. Nátijesinde Ádilbek Bolat Jumadilov aǵasynyń jetistigin qaitalady. Jumadilov 51 keli salmaq dárejesinde Atlanta jáne Sidnei Olimpiadasynyń finalynda óner kórsetken edi.
Eske sala keteiik, Ádilbek alǵashqy kezdesýin belorýs sportshysy Mihail Dolgolevetske qarsy ótkizip, aiqyn basymdyqpen jeńgen bolatyn. Shirek finalda ol ázirbaijandyq Timýr Mammadovty tize búktirip, jartylai finalǵa joldama aldy. Finalǵa shyǵar jolda britan sportshysy Djoshýa Býatsimen qolǵap túiistirip, qarsylasynyń myqtylyǵyna qaramastan, kezdesý jeńimpazy atandy.
Biylǵy jyly bokstan erler quramasy alǵash ret Olimpiada oiyndaryna tolyq quramda barǵan edi. Ázirge bokshylarymyzdyń enshisinde bir altyn, bir kúmis júlde bar. Keshe ǵana 69 keli salmaq dárejesinde óner kórsetken Daniiar Eleýsinov altyn júlde iemdense, 91 keli salmaq dárejesinde baq synaǵan Vasilii Levit Rio Olimpiadasynyń kúmis júldegeri atanǵan edi.
Ult portaly
