Bokstan ulttyq qurama kapitany Daniiar Eleýsinov Rio Olimpiadasynnyń finalynda jeńiske jetip, el quramasy qorjynyna altyn medal saldy.
69 keli salmaqta synǵa túsken jerlesimiz finalda ózbek boksshysy Shahram Giiasovpen kezdesip, basym tústi.
Úsh raýndta da qazaq boksshysy qarsylasynan bir bas joǵary óner kórsetti. Nátijesinde tóreshiler jeńisti biraýyzdan Daniiarǵa berdi. Qorytyndy esep – 3:0 (29-28, 29-28, 29-28). Kezdesý jerlesimizdiń paidasyna sheshildi.
Aita ketsek, Daniiar alǵashqy kezdesýin ulybritaniialyq boksshy Djosh Kellige qarsy ótkizip, aiqyn basymdyqpen jeńgen bolatyn. Shirek finalda ol venesýelalyq Gabriel Maestrony tize búktirip, jartylai finalǵa joldama aldy. Finalǵa shyǵar jolda frantsýz Sýleiman Sissokomen qolǵap túiistirip, jaraqatyna qaramastan jeńimpaz atandy.
Biylǵy jyly bokstan erler quramasy alǵash ret Olimpiada oiyndaryna tolyq quramda barǵan edi. Ázirge bokshylarymyzdyń enshisinde bir kúmis júlde bar. Keshe ǵana 91 keli salmaq dárejesinde baq synaǵan Vasilii Levit Rio Olimpiadasynyń kúmis júldesin ielengen-di. Daniiardan basqa Ádilbek Niiazymbetov Olimpiada altynyna talasady. Al 91 kelide Ivan Dychko jartylai finalda óner kórsetedi.
Ult portaly
