"Rio-de-Janeiroda ótip jatqan HHHI Olimpiada oiyndarynda bokstan 81 keli salmaq dárejesinde óner kórsetetin otandasymyz Ádilbek Niiazymbetov britan sportshysy Djoshýa Býatsidi utyp, finalǵa joldama aldy", - dep habarlaidy "Ult aqparat".
Niiazymbetov úsh raýnd boiy qarsylasynan deńgeii joǵary ekenin baiqatty. Óziniń soqqylaryn dittegen jerine dóp tigizip otyrǵan ol aiqyn jeńiske jetti. Qorytyndy esep – 3:0 (30:27, 30:27, 29:28). Kezdesý jerlesimizdiń paidasyna sheshildi.
Shirek finaldyq kezdesýde Ádilbek belorýs sportshysy Mihail Dolgolevetsti jeńgen bolatyn.
Aita keteiik, biylǵy jyly bokstan erler quramasy alǵash ret Olimpiada oiyndaryna tolyq quramada barǵan edi. Biraq búginge deiin alty boksshymyz jarys jolynan shyǵyp úlgerdi. Al, keshe 91 keli salmaq dárejesinde baq synaǵan Vasilii Levit Rio Olimpiadasynyń kúmis júldesin ielendi.
Ult portaly
