Búgin tańda 91 keli salmaqta qazaqstandyq boksshy Vasilii Levit pen reseilik Evgenii Tishenko finalda aiqasyp, jerlesimiz jeńilis tapty. Alaida atalǵan jekpe-jekke bailanysty daýly áńgimeler aitylyp jatyr.
Resei quramasynyń bapkeri Edýard Kravtsov Vesti.kz saityna bergen suhbatynda finaldyq jekpe-jekke qatysty óz oiyn aitty.
"Ne aitaiyn? Jekpe-jektiń qalai ótkenin bári kórdi! Men árqashan ádil tóreliktiń jaǵyndamyn jáne sportshylar men bapkerlerdiń jumysyn laiyqty baǵalaǵanyn qalaimyn. "Qazannyń qulaǵyn ustaǵandar" Vasiliige jáne onyń bapkerine, tipti boks ónerine obal jasady! Sondyqtan, ringtiń ainalasynda bolyp jatqan bundai jaǵdailar bizdiń sport túrine abyroi ákelmeidi. Ókinishke orai, bul Olimpiadada bolǵan jalǵyz oqiǵa emes, tendentsiiaǵa ainalyp barady. Bizdiń boksshy shamasynsha shaiqasý úshin hám jeńiske jetý úshin shyqty. Ony jeńimpaz dep tanyp, qolyn kótergeni úshin kináli emes. Ókinishke orai, bokssúierler úshin biz alǵymyz kelgenin aldyq...", deidi bapker Kravtsov.
Ult portaly
