"Rio-de-Janeiroda ótip jatqan HHHI Olimpiada oiyndarynda bokstan 91 keli salmaq dárejesinde óner kórsetetin qazaq boksshysy Vasilii Levit óziniń ekinshi jekpe-jeginde jeńiske jetti", - dep habarlaidy Ult.kz tilshisi.
Otandasymyz úsh raýndqa sozylǵan tartysty básekede Mavrikii aralynan kelgen Kennedi Sent-Perdi 3-0 (30:27, 30:27, 30:27) esebimen utty.
Esterińizge sala keteiik, talai qazaq boksshysynyń jolyn tusaýlap, Olimpiada oiyndaryna barýǵa ustatpai júrgen 91 keli salmaq dárejesindegi joldamany biyl otandasymyz Vasilii Levit qanjyǵasyna bailap, táýelsiz Qazaq eli atynan osy salmaqta tuńǵysh ret Olimpiada oiyndarynda óner kórsetý quqyǵyna ie bolǵan.
Vasilii Levit Búkilálemdik boks seriiasynyń «Astana arlarndary» quramynda óner kórsetip, «Argentina kondorspen» bolǵan kezdesýde qarsylasyn tehnikalyq nokaýtpen utyp, sonyń nátijesinde ol WSB-diń jeke reitingtik kórsetkishi boiynsha turaqty maýsymda birinshi oryn aldy. Sóitip, Rio-de-Janeiro Olimpiadasyna beriler joldamany iemdengen.
Týǵan kúni/jyly: 24.02.1988
Týǵan jeri: Qostanai oblysy
Salmaǵy: 91 keli
Jetistikteri:
2009, 2011 jyldary Qazaqstan chempiony;
2009 jyly Aziia chempiony;
Birneshe halyqaralyq týrnirlerdiń jeńimpazy.
Ult portaly
