Úndistannyń Barýipýr qalasynda 12 jastaǵy qyzdyń ólimi jappai tártipsizdikke ulasty, dep habarlaidy ult.kz.
Qyzdyń máiiti toǵannan tabylǵan qaptyń ishinen shyqqan. Osydan keiin ashýǵa býlyqqan aýyl turǵyndary qylmysqa qatysy bar dep kúdiktengen jigitti ustap alyp, aiaýsyz soqqyǵa jyqqan. Jergilikti aqparatqa sáikes, ol quqyq qorǵaý organdaryna qylmys bolǵan jerdi kórsetkendikten kúdikke ilingen. Er adam alǵan jaraqattarynan kóz jumǵan.
Keiin turǵyndardyń narazylyǵy politsiiamen qaqtyǵysqa ulasty. Narazylyq bildirýshiler temirjol qozǵalysyn bógep, birneshe avtokólikti búldirgen.
Bilik bul iske qatysy bar degen kúdikpen úsh adamdy qamaýǵa alǵanyn habarlady. Quqyq qorǵaý organdary kináliler zań aiasynda eń qatań jazaǵa tartylatynyn málimdedi.
