Jambyl oblysy boiynsha latyn grafikasyna negizdelgen qazaq tili álipbiinde jalpyhalyqtyq diktant jazý aktsiiasyna 112 myńnan asa adam qatysty, dep habarlaidy "Ult aqparat".
Oblys ákimdiginiń tilderdi damytý basqarmasynyń uiymdastyrýymen ótken aktsiia «Jańa qazaq álipbii – rýhani jańǵyrýdyń bastaýy» taqyrybyna negizdeldi. Shara latyn grafikasyndaǵy qazaq tili álipbiiniń, «Qazaq tili emlesiniń negizgi erejeleri» jobasynyń praktikalyq turǵyda meńgerilýin jan-jaqty qamtý, naqtylai túsý, halyqty beiimdeý maqsatynda uiymdastyryldy.
Aktsiiaǵa barlyǵy on aýdan men Taraz qalasynan 112 myńnan astam adam qatysty. Olardyń qatarynda Taraz qalasy jáne aýdandardyń memlekettik qyzmetkerleri, mádeniet densaýlyq saqtaý, bailanys, qarjy, quqyq qorǵaý, sport, qurylys, kólik, tótenshe jaǵdai jáne taǵy basqa salalardyń, halyqqa qyzmet kórsetý ortalyqtarynyń qyzmetkerleri, joǵary, arnaýly orta oqý oryndarynyń oqytýshylary men stýdentteri, 15 jastan asqan mektep oqýshylary bar. Qatysýshylar bir mezette belgilengen taqyryp aiasynda diktant jazdy.
«Qatysýshylar halyqpen tikelei jumys isteitin qyzmetkerler bolǵandyqtan latyn qarpin olardyń birinshi kezekte meńgerýi mańyzdy. Uiymdastyrýshylar, latynsha diktant jazýǵa kelgender zaman talabyna sai bilimdi bolý kerek dep oilaimyn. Bul ózimizdiń bastamamyzdan týyndaǵan oblystyq shara», - deidi oblystyq tilderdi damytý basqarmasy basshysynyń mindetin atqarýshy Medet Aten.
Aita keteiik, jalpyhalyqtyq barlyq aýdandar men oblys ortalyǵynda bir mezette ótkizildi. Aldaǵy ýaqytta aktsiia jalǵasyn tabatyn bolady.
