Foto: Polisia.kz
23 qańtarda Qazaqstanda sheteldik avtokólikterdi zańdastyrý naýqany bastaldy. Saǵat 18:00-degi aqparatqa sáikes, 2000-nan astam ótinim maquldanǵan, onyń ishinde 100 adam tiisti qujattaryn aldy, – dep habarlaidy Polisia.kz portaly.
– Qujattary tolyq azamattar memlekettik nómirlik belgilerin alyp, óz kólikterin sátti zańdastyryp jatyr, – dep habarlady IIM.
Azamattarǵa HQKO-larda mamandar kómektesýde. Munda keńes alyp, bazalar boiynsha qujattardy tekserýge múmkindik bar. Árbir ótinim jeke qaralady. Qosymsha suraqtar týyndaǵan avtokólik ielerine qajetti usynystar beriledi.
Halyqqa qyzmet kórsetý ortalyqtary saǵat 22:00-ge deiin jumys isteidi.
Esterińizge sala keteiik, zańdastyrýǵa ótinimdi e-gov.kz elektrondyq úkimet portaly, ekinshi deńgeili bankterdiń qosymshalary, Halyqqa qyzmet kórsetý ortalyqtary arqyly berýge bolady.
Ereje boiynsha avtokólik Qazaqstanǵa 2022 jyldyń 1 qyrkúiegine deiin ákelingen bolýy kerek, qylmystyq esepte bolmaýy tiis, basqa memlekette burynǵy tirkelgen jeri boiynsha esepten shyǵarylýy qajet. Sondai-aq Eýraziialyq ekonomikalyq odaqqa kirmeitin elderden ákelingen avtokólik kedendik tazartýdan ótýi tiis.
Eger avtokólik zańdastyrýǵa jatatyn bolsa, onda alǵashqy tirkeý úshin memlekettik alymdy, memlekettik nómirge tólem men tehpasport úshin memlekettik BAJ tóleý qajet.
Zańdastyrý 2023 jyldyń 1 shildesine deiin jalǵasady.
