.jpeg)
Foto: polisia.kz
Almaty politsiiasy qyzmettiń kúsheitilgen nusqasyna kóshti, – dep habarlaidy «Ult aqparat» Polisia.kz-ke silteme jasap.
“Quqyqtyq tártip” jedel aldyn alý is-sharasy aiasynda Almaty politsiiasy qoǵamdyq tártipti qorǵaýdy kúsheitti. 10-20 mamyr aralyǵynda Almaty politsiiasy kúsheitilgen túrde qyzmet etedi. Jedel aldyn alý is-sharasyn ótkizýge Ulttyq ulannyń áskeri qyzmetshileri, politsiia qyzmetteri men bólimsheleriniń qyzmetkerleri jumyldyrylǵan. Qoǵamdyq tártipti saqtaý, kóshelerde jáne basqa da qoǵamdyq oryndarda quqyq buzýshylyqtyń aldyn alý jáne jolyn kesý maqsatynda is-shara aiasynda politsiia jasaqtarynyń tyǵyzdyǵy arttyryldy.
“Qylmysqa múldem tózbeýshilik” qaǵidaty aiasynda politsiia qyzmetkerleri men áskeri qyzmetkerler kóshelerdi, aýlalardy, alańdardy, saiajailardy jáne basqa da qoǵamdyq oryndardy aralaýda. Politsiia, sonymen qatar kóshi-qon zańnamasyn, sonyń ishinde qurylys jáne saýda salalarynda quqyq buzýshylyqtardy anyqtaý maqsatynda tekserýler júrgizip jatyr.
Sondai-aq azamattyq qarý ieleri men politsiianyń profilaktikalyq esebinde turǵan adamdardy tekserý júrgizilip jatyr. Habar-osharsyz ketken adamdardy, qylmyskerlerdi izdestirý, sondai-aq bótenniń múlkin urlaýmen, páter tonaýmen, urlyqpen jáne t.b. ainalysatyn qylmystyq toptardy áshkereleý boiynsha PD-nyń jedel bólimsheleriniń jumysy kúsheitildi.
“Quqyqtyq tártip” is-sharasy – bul qylmystyq ahýaldy jaqsartýǵa, sondai-aq qylmystar men quqyq buzýshylyqtardyń aldyn alýǵa, jolyn kesýge baǵyttalǵan aýqymdy shara.
