Importty almastyrý máseleleri de keshendi túrde sheshiletin bolady. Bul týraly Úkimet otyrysynda Agroónerkásiptik keshendi damytýdyń 2021-2025 jyldarǵa arnalǵan ulttyq jobasyn tanystyrý kezinde QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Importqa táýeldilikti tómendetý jáne mal sharýashylyǵy óniminiń eksportyn arttyrý maqsatynda qarqyndy mal sharýashylyǵyna kóshý jalǵastyrylatyn bolady. Bul úshin fermerlik sharýashylyqtarǵa mal satyp alýǵa kredit berý kólemin ulǵaitý, azyq óndirisin yntalandyrý, shalǵaidaǵy mal sharýashylyǵyn jáne jaiylymdardyń infraqurylymyn damytý, sondai-aq selektsiianyń qazirgi zamanǵy ádisterin, onyń ishinde jasandy uryqtandyrý men embriondardy telýdi engizýdi yntalandyrý josparlanýda. Bul óńdeýshi kásiporyndardyń qýattylyqtaryn 100% júktememeni qamtamasyz etýge, sondai-aq mal men qustyń ónimdiligin arttyrýǵa múmkindik beredi», - dedi Erbol Qarashókeev.
Onyń aitýynsha, agrarlyq ǵylymdy qarjylandyrýdyń jetkiliktiligin qamtamasyz etý jumysy jalǵastyrylady, salalyq granttyq qarjylandyrý engiziledi. Sondai-aq agroónerkásiptik keshenge keshendi taldaý júrgizý, perspektivalaryn baǵalaý, damýyn boljaý úshin Ministrliktiń ahýaldyq-taldamalyq ortalyǵyn quryp, jumys istetý josparlanýda.
«Koronavirýs pandemiiasy ishki naryqty qamtamasyz etý basty mindet ekenin kórsetip berdi. Sondyqtan basym eksporttyq saiasatpen qatar, importty almastyrý máseleleri de keshendi túrde sheshiletin bolady. Ministrlik eń kóp importtalatyn pozitsiialardy aiqyndady, bular – qus eti, shujyq ónimderi, irimshik pen súzbe, alma, qant pen balyq. Búgingi tańda osy baǵyttardyń árqaisysy boiynsha naqty investitsiialyq jobalar aiqyndalyp, iske asyrylýda. Qoiylǵan maqsatqa qol jetkizý úshin birqatar memlekettik qoldaý sharalary, onyń ishinde jeńildikti kredit berý, sýbsidiialaý, jer resýrstarymen, infraqurylymmen, ishki naryqty qorǵaý sharalarymen qamtamasyz etý iske asyrylatyn bolady. Nátijesinde, 2024 jylǵa qarai qantty qospaǵanda, osy ónim túrleri boiynsha qamtamasyz etilý 100%-dy, al qant boiynsha 80%-dy quraidy», - dedi ministr.
Ulttyq jobanyń basym baǵyttarynyń biri - óńdelgen aýyl sharýashylyǵy ónimderiniń óndirisi men eksportyn damytý bolady. Ol úshin jumys istep turǵan kásiporyndardy tolyq júkteýdi, sondai-aq qazirgi zamanǵy kásiporyndar salýdy jáne jumys istep turǵan kásiporyndardy jańǵyrtýdy kózdeitin sharalar kesheni ázirlendi. Búgingi tańda investitsiialyq jobalar pýlyndaǵy 194 joba – óndiristiń qosymsha ósýin jáne tiisinshe qosymsha eksport kólemin qamtamasyz etýge múmkindik beretin óńdeý jónindegi jańa jobalar.
«Bul, saiyp kelgende, agroónerkásiptik keshen eksportynyń jalpy kólemindegi óńdelgen ónim úlesin 70%-ǵa deiin jetkize otyryp, agroónerkásiptik keshen ónimderiniń eksportyn 2 esege ulǵaitý týraly alǵa qoiylǵan maqsatqa qol jetkizýge múmkindik beredi. Ulttyq jobanyń basymdyǵy et, jemis, kókónis, qant, dándi, maily daqyldar, sút ónimderin óndirý men óńdeýdi qosa alǵanda, iri investitsiialyq jobalardyń ainalasynda 7 ekojúie qalyptastyrý bolmaq. Bul qosylǵan quny joǵary túpkilikti qazaqstandyq ónim jasaýǵa qatysa alatyn keminde 350 myń fermerlik jáne úi sharýashylyqtaryn iske tartýǵa múmkindik beredi. Jalpy, 5 jyl ishinde 4,1 trln teńgege 582 investitsiialyq jobany iske asyrý josparlanyp otyr», - dedi vedomstvo basshysy.
Jalpy, Ulttyq jobany iske asyrý nátijesinde bes jyl ishinde eńbek ónimdiligin 2,5 esege arttyrý, 500 myń adamdy jumyspen qamtamasyz etý, osylaisha 1 mln aýyl turǵynynyń tabysyn arttyrý josparlanýda.
