Jyldyń sońyna deiin kúzgi áskerge shaqyrý aiasynda ásker qataryn 17 myńǵa jýyq jas jigit tolyqtyrady. Bul týraly QR QK BSh Uiymdastyrý jumyldyrý jumystar departamentiniń bastyǵy Sáken Júsipov málim etti, dep habarlaidy QazAqparat.
Qazaqstan Prezidentiniń 2021 jylǵy aqpandaǵy Jarlyǵyna sáikes, biylǵy 1 qyrkúiekten bastap kúzgi azamattardy merzimdi áskeri qyzmetke shaqyrý is-sharalary bastalady.
«Prezidenttiń tapsyrmasyna sáikes Qorǵanys ministrliginde ótken jyldarmen salystyrǵanda Qarýly kúshterge áskerge shaqyrylýshylardyń sanyn kezeń-kezeńimen ulǵaitý josparlanǵanyn aita ótý qajet. Qoldanystaǵy zańǵa sáikes, azamattardy merzimdi áskeri qyzmetke áskerge shaqyrýdy jergilikti atqarýshy organdar uiymdastyrady jáne qamtamasyz etedi. Jyldyń sońyna deiin jalǵasatyn kúzgi áskerge shaqyrý kampaniiasy barysynda Qazaqstan Respýblikasynyń Qarýly Kúshterin, basqa da áskerleri men áskeri quralymdaryn áskerge shaqyrýdy keiinge qaldyrýǵa nemese odan bosatýǵa negizderi joq, jasy on segizden jiyrma jeti jasqa deiingi 17 myńǵa jýyq jas jigit tolyqtyrady», - dedi S. Júsipov Ortalyq kommýnitkatsiialar qyzmetinde.
Onyń aitýynsha, jergilikti atqarýshy organdar uiymdastyryp, qamtamasyz etetin azamattardy merzimdi áskeri qyzmetke shaqyrý qoldanystaǵy zańnamaǵa sáikes júrgiziledi. Merzimdi áskeri qyzmettiń áskeri qyzmetshilerin zapasqa shyǵarý olar áskerge shaqyrylǵan kúnnen bastap 12 ai ótkennen keiin josparly túrde júrgiziledi.
