Qazaqstanda 2026 jyldyń 1 sáýirinen bastap alǵash ret balalar saýyqtyrý ortalyqtaryn litsenziialaý júiesi engizildi. Bul týraly Qazaqstan Respýblikasynyń Oqý-aǵartý ministrligi málimdedi, dep habarlaidy ult.kz.
Jańa talaptar balalardyń jazǵy demalysyn qaýipsiz ári sapaly uiymdastyrýdy kózdeidi. Endi balalar lagerleri arnaiy litsenziiasyz jumys istei almaidy.
Ministrliktiń málimetinshe, litsenziia bes jylǵa beriledi. Bul uiymdardy jyl saiyn qujat rásimdeýden bosatyp, olardyń jumysyn turaqty baqylaýǵa múmkindik beredi.
Jańa júiege sáikes lagerler:
- bilim berý jáne saýyqtyrý baǵdarlamalarymen,
- bilikti pedagogtar men meditsina qyzmetkerlerimen,
- qaýipsizdik júielerimen,
- sanitarlyq talaptarǵa sai jaǵdaimen qamtamasyz etilýi tiis.
Sondai-aq bul talaptar qaýipsizdik erejelerin saqtamaityn beiresmi lagerlerdiń jumysyn shekteýge múmkindik beredi.
Qazir óńirlerde ákimdikter janynan arnaiy shtabtar qurylyp, balalar ortalyqtarynyń jazǵy maýsymǵa daiyndyǵy tekserilip jatyr. Al ministrliktiń aýmaqtyq departamentteri lagerlerdiń ótinimderi negizinde litsenziia rásimdeýde.
Vedomstvo ókilderiniń aitýynsha, bul sharalar balalardyń demalysyn qaýipsiz etip, el boiynsha lager qyzmetiniń biryńǵai standartyn qalyptastyrýǵa baǵyttalǵan.
