Dáriger-stomatolog Djonatan B. Levin aýyz qýysynyń saýlyǵy adam ómiriniń uzaqtyǵyna tikelei áser etetinin aitty, dep habarlaidy ult.kz.
Onyń sózinshe, tis pen qyzyl iek aýrýlaryn ýaqytynda emdeý kóptegen qaýipti derttiń aldyn alýǵa kómektesedi.
Maman tisterdiń jaǵdaiy qan qysymy, holesterin deńgeii, qant diabeti, dementsiia jáne júrek aýrýlarymen bailanysty ekenin aitty. Sonymen qatar aýyz qýysyndaǵy keibir bakteriialar artrit, ókpe qabynýy jáne qaterli isiktiń jekelegen túrleriniń damýyna áser etýi múmkin.
Stomatolog ásirese sozylmaly qabyný týdyratyn P. gingivalis bakteriiasyn erekshe atap ótti. Onyń aitýynsha, bul bakteriia aǵzanyń basqa bólikterine tarap, túrli aýrýǵa sebep bolýy yqtimal.
Djonatan Levin uzaq ómir súrýdiń negizgi sharttary retinde durys uiqyny, paidaly tamaqtanýdy, fizikalyq belsendilikti jáne sanaly ómir saltyn atady. Sonymen qatar ol bul tizimge aýyz qýysynyń kútimin de qosýdy usyndy.
