Almatydaǵy Forum saýda ortalyǵyndaǵy kinoteatrlardyń birinde 29 jastaǵy er adam popkorn jeimin dep kóz jumdy, dep habarlaidy ult.kz.
Qaiǵyly oqiǵa 17 mamyr kúni bolǵan.
Týystarynyń aitýynsha, er adam kino bastalar aldynda popkorn jep otyryp qaqalyp qalǵan. Keiin dárethanaǵa baryp kelgen soń ózin jaqsy sezingenin jetkizgen. Biraq kino zalyna kirgen soń “tamaǵym jybyrlap tur”, “júregim qysylyp barady” dep shaǵymdana bergen. Kóp uzamai esinen tanyp qulap qalǵan.
Kýágerler alǵashqy kómek kórsetýge tyrysyp, jedel járdem shaqyrǵan. Olardyń sózinshe, kinoteatr qyzmetkerlerinen meditsina mamanyn shaqyrýdy suraǵanda, “búgin jeksenbi, meditsina qyzmetkerleri jumys istemeidi” degen jaýap alǵan. Shamamen 15 minýttan keiin meditsina qyzmetkeri kelgenimen, er adamdy aman alyp qalý múmkin bolmaǵan.
Kýágerler jedel járdem 15-20 minýtta jetkenin aitady.
Dáriger Ómirzaq Nursultan bul jaǵdai anafilaktikalyq shok bolýy múmkin ekenin boljady. Onyń aitýynsha, popkorn nemese onyń quramyndaǵy qospalar aýyr allergiialyq reaktsiia týǵyzýy yqtimal.
