Qazaqstan Respýblikasy Oqý-aǵartý ministrligi 2026–2027 oqý jylyna arnalǵan birinshi synypqa qujat qabyldaýdy kezeń-kezeńimen uiymdastyrý kestesin bekitti, dep habarlaidy ult.kz.
Qujat qabyldaý 2026 jylǵy 27 mamyr men 31 tamyz aralyǵynda júrgiziledi. Bul tásil aqparattyq júielerge túsetin júktemeni azaityp, ata-analar úshin ótinish berý protsesin barynsha yńǵaily uiymdastyrýǵa múmkindik beredi.
Qujattardy elektrondyq úkimet portalynda tirkelý arqyly OQU platformasy arqyly onlain formatta, sondai-aq bilim berý uiymdaryna tikelei júginý arqyly tapsyrýǵa bolady.
Óńirler boiynsha qabyldaý merzimderi tómendegidei:
27 mamyr – 31 tamyz:
Astana qalasy, Abai, Jetisý, Qyzylorda jáne Batys Qazaqstan oblystary.
10 maýsym – 31 tamyz:
Almaty qalasy, Aqmola, Aqtóbe, Jambyl jáne Shyǵys Qazaqstan oblystary.
18 maýsym – 31 tamyz:
Shymkent qalasy, Almaty, Qostanai, Pavlodar jáne Atyraý oblystary.
29 maýsym – 31 tamyz:
Túrkistan, Mańǵystaý, Qaraǵandy, Soltústik Qazaqstan oblystary jáne Ulytaý oblysy.
