فوتو: اشىق دەرەككٶزدەن
باس پروكۋراتۋرانىڭ قوعامدىق مٷددەلەردٸ قورعاۋ قىزمەتٸنٸڭ باسشىسى مارات ەبٸشەۆ تۇرمىستاعى زورلىق-زومبىلىقپەن بەت-بەت كەلەتٸن ەيەلدەردٸڭ رەسمي ستاتيستيكاسىن اتادى, دەپ حابارلايدى Kazinform اگەنتتٸگٸ.
«جىل سايىن تۇرمىستىق زورلىق-زومبىلىقتان كەم دەگەندە 80 ەيەل كٶز جۇمادى. 150 ەيەل اۋىر جاراقات السا, 200 ەيەل ورتا دەرەجەدەگٸ, 4 مىڭنان استام ەيەل جەڭٸل جاراقات الادى. پوليتسيياعا كٷن سايىن 300 شاعىم تٷسەدٸ. ونىڭ ٸشٸندە بالا مەن ەيەلدٸ ساباۋ, مٷگەدەكتٸككە دۋشار ەتۋ, تٸپتٸ كٸسٸ ٶلتٸرۋ فاكتٸلەرٸ بار», – دەدٸ ول باس پروكۋراتۋرانىڭ زاڭدىلىقتى, قۇقىقتىق تەرتٸپتٸ جەنە قىلمىسكەرلٸككە قارسى كٷرەستٸ قامتاماسىز ەتۋ جٶنٸندەگٸ ٷيلەستٸرۋ كەڭەسٸنٸڭ جيىنىندا.
ەبٸشەۆتٸڭ سٶزٸنشە ەلدەگٸ ەربٸر ٷشٸنشٸ ەيەل وتباسىندا زورلىق-زومبىلىققا تاپ كەلەدٸ.
«2023 جىلدىڭ 10 ايىندا تۇرمىستىق زورلىق-زومبىلىق ٷشٸن 50 مىڭ ادام ەكٸمشٸلٸك جاۋاپكەرشٸلٸككە, 700 ادام قىلمىستىق جاۋاپكەرشٸلٸككە تارتىلدى. دەگەنمەن بۇل ساندار شىنايى جاعدايدىڭ كٶرٸنٸسٸ بولا المايدى. وتباسىنداعى جانجالدىڭ كٶبٸ جابۋلى قازان كٷيٸندە, قۇقىق قورعاۋ ورگاندارى مەن ەلەۋمەتتٸك جۇمىسشىلاردىڭ نازارىنان تىس قالادى. تٸپتٸ جٷيەلٸ تٷردە ساباپ, قورقىتىپ, پسيحولوگييالىق زومبىلىق جاساۋ جاعدايلارى دا جاسىرىن قالادى. ساراپشىلاردىڭ جٷرگٸزگەن ەسەبٸ بويىنشا, ەلدەگٸ ەربٸر ٷشٸنشٸ ەيەل وسىنداي قارىم-قاتىناسپەن بەتپە-بەت كەلەدٸ», – دەيدٸ مينيستردٸڭ ورىنباسارى.
