2020 جىلدىڭ قاڭتار-سەۋٸر ايلارى ارالىعىندا قازاقستاندا رەسمي ديلەرلەر 18 مىڭنان استام جاڭا كٶلٸك ساتتى. بۇل تۋرالى "ۇلت اقپارات" «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعىنا سٸلتەمە جاساپ حابارلايدى.
«اتالعان كەزەڭدە رەسمي ديلەرلەر 18 368 كٶلٸكتٸ ساتتى. بۇل بٸر جىل بۇرىنعى كٶرسەتكٸشتەن 2,7 پايىزعا تٶمەن. قاڭتار-سەۋٸر ايلارىندا قازاقستاندىقتار جاڭا جەڭٸل كٶلٸكتەردٸ الۋعا 169,3 ملرد تەڭگە جۇمساپ, 2019 جىلعى دەڭگەيدەن 4,9 پايىزعا از بولدى», - دەلٸنگەن تاراتىلعان مەلٸمەتتە.
كٶلٸك ساتىپ الۋشى 11 709 ادام (63,7 پايىزى) وتاندىق زاۋىتتاردىڭ ٶنٸمٸ بويىنشا ٶز تاڭداۋىن جاساعان. سونىمەن قاتار, بيىلعى تٶرت ايدا ساتىلعان 6 659 اۆتوموبيل (36,3 پايىزى) يمپورتقا تيەسٸلٸ بولىپ وتىر.
اتالعان مەرزٸمدە ەلٸمٸزدە سۇرانىسى جوعارى برەندتەردٸڭ اراسىندا Lada (3711 كٶلٸك), Hyundai (3171), Toyota (2877), KIA (1952) جەنە Ravon (1890) ماركالى كٶلٸكتەرٸ كٶش باستادى.
مۇنىمەن قوسا, جاقسى ٶتكٸزٸلگەن تور-10 قۇرامىنا Renault (812 كٶلٸك), GAZ (664), Nissan (659), Volkswagen (516) مەن UAZ (412) ەندٸ.
