قالا اۋماعى 19 ۋچاسكەگە بٶلٸنگەن. وندا 2 815 كونتەينەر الاڭى مەن 17 601 كونتەينەر قويىلعان, دەپ حابارلايدى ەلوردا ەكٸمدٸگٸنٸڭ رەسمي سايتى.
«قوقىس شىعارۋعا 98 ارنايى تەحنيكا جۇمىلدىرىلدى. «كاماز» ماركالى 70 قوقىس تاسۋشى كٶلٸك دىمقىل قالدىق جيناۋعا ارنالعان جاسىل جەنە مەتالل كونتەينەرلەرگە, «يۆەكو» ماركالى 25 قوقىس تاسۋشى قۇرعاق قالدىققا ارنالعان سارى كونتەينەرلەرگە, كراندى مانيپۋلياتورلى قوندىرعىلارمەن جابدىقتالعان 3 قوقىس تاسۋشى تەرەڭدەتٸلگەن كونتەينەرلەرگە بٶلٸنگەن», – دەيدٸ قالالىق قورشاعان ورتانى قورعاۋ جەنە تابيعاتتى پايدالانۋ باسقارماسىنىڭ بٶلٸم باسشىسى الماز سوۆەتحانۇلى.
نۇر-سۇلتان قالاسى اۋماعىنان كوممۋنالدىق قالدىقتاردى جيناۋ جەنە شىعارۋ قىزمەتٸمەن «CleanCity NC» جشس اينالىسادى. قوقىس شىعارۋ ەكٸ اۋىسىمدا جٷزەگە اسادى. بٸرٸنشٸ اۋىسىم – تاڭعى 6:00-دەن 14:00-گە دەيٸن; ەكٸنشٸ اۋىسىم – ساعات 14:00-دەن 22:00-گە دەيٸن.
قالدىقتار شىعارىلعاننان كەيٸن, كونتەينەر ورنالاسقان اۋماقتا دەزينفەكتسييالىق جۇمىستارى جٷرگٸزٸلەدٸ. «CleanCityNC» جشس 55 قوقىس تاسيتىن كٶلٸك پەن 8276 كونتەينەر ساتىپ الۋعا ينۆەستيتسييا سالدى.
سونداي-اق, قالا اۋماعىندا 182 تەرەڭدەتٸلگەن كونتەينەر قويىلعان. ولارعا كراندى مانيپۋلياتورلى قوندىرعىمەن جابدىقتالعان 3 قوقىس تاسىعىش قىزمەت كٶرسەتەدٸ. كٶلەمٸ 5 تەكشە مەتر كونتەينەردٸڭ ارتىقشىلىعى – 5 ستاندارتتى كونتەينەردٸ الماستىرا الادى. سونداي-اق گيگيەنالىق, ەستەتيكالىق جەنە تيٸمدٸلٸك جاعىنان تىعىز قۇرىلىس اۋداندارىندا پايدالانۋعا ىڭعايلى.
