جول اپاتىنان ەكٸ اياعىنان ايىرىلعان الماتىلىق ەيەل ەكاتەرينا پارافيەۆا پروتەزبەن جٷرە باستادى, دەپ حابارلايدى "ۇلت اقپارات".
بۇل تۋرالى ول Facebook پاراقشاسىندا جازدى.
ول ٶزٸنٸڭ پروتەز كيٸپ, بالداق ۇستاپ, تٸك تۇرعان سۋرەتٸن جارييالاعان.
«مەن ارمانداعان سۋرەت وسى. اقىرىن-اقىرىن جاڭادان تۇرا باستادىم. ەزٸرگە قادامدارىم سەنٸمدٸ ەمەس, بالداقپەن تۇرامىن. قاز-قاز باسىپ ٷيرەنٸپ جاتقان بالا سيياقتىمىن. تەپە-تەڭدٸكتٸ ساقتاپ تۇرۋ مەن ٷشٸن قيىن. ٶز دەنەمدٸ ٶزٸمە باعىندىرۋعا تىرىسىپ جاتىرمىن. اياعىمنان تٸك تۇرۋ ٷشٸن قاي بۇلشىقەتتٸ قوزعاسام, قۇلاماۋ ٷشٸن نە ٸستەسەم دەگەن وي كەتپەيدٸ. مەن وسىنىڭ بارلىعىن يگەرٸپ كەتەتٸنٸمە سەنە الماي تۇرمىن. مەن ەلٸ فينيشكە جەتپەدٸم. ەلٸ مارافون جٷگٸرٸپ كەلەمٸن», - دەدٸ ەكاتەرينا پارافيەۆا.
ەسكە سالا كەتەيٸك, ە. پارافيەۆا 16 ماۋسىمدا الماتى قالاسىنداعى ەل-فارابي داڭعىلىندا بولعان جول اپاتىنان جاپا شەككەن بولاتىن.
Honda CRV كٶلٸگٸن تٸزگٸندەگەن قىزدار اشىق ليۋككە كٸرٸپ كەتٸپ, كٶلٸك دٶڭگەلەگٸن جارىپ العان. سودان جول شەتٸنە توقتاپ, سىرتقا شىعىپ, كٶلٸكتەرٸن قاراپ جاتقان كەزدە ورتاڭعى جولاقتا كەلە جاتقان Toyota Camry ماشيناسىن اۆتوبۋس سوققان. قاتتى سوققىدان Toyota Camry اينالىپ, ارتقى جاعىمەن Honda CRV كٶلٸگٸن ۇرعان. سونىڭ سالدارىنان قىزدار ورتادا قىسىلىپ قالىپ, بٸرەۋٸ ەكٸ اياعىنان ايىرىلدى. جارتى جىلعا سوزىلعان سوت پروتسەسٸندە اۆتوبۋس جٷرگٸزۋشٸسٸ دەۋرەن جاڭاباەۆتىڭ 2 جىلعا باس بوستاندىعى شەكتەلدٸ. سونىمەن قاتار, جاڭاباەۆ جەبٸرلەنۋشٸگە 2 ملن تەڭگە كٶلەمٸندە مورالدىق شىعىن تٶلەۋگە مٸندەتتەلدٸ.
الماتىلىق كەلٸنشەك وسىدان 5 اي بۇرىن گەرمانييانىڭ مانگەيم قالاسىنا قونىس اۋدارعان بولاتىن.
