تالدىقورعان قالاسىندا وبلىستىق تٸلدەردٸ دامىتۋ باسقارماسى مەن قازاقستان جازۋشىلار وداعىنىڭ بٸرلەسە ۇيىمداستىرۋىمەن «جەتٸسۋ كٶكتەمٸ» اتتى جاس ەدەبيەتشٸلەر فورۋمى ٶتتٸ. بۇل تۋرالى الماتى وبلىسى ەكٸمٸنٸڭ باسپاسٶز قىزمەتٸ حابارلادى.
فورۋم بارىسىندا «رۋحاني جاڭعىرۋ» باعدارلاماسىنىڭ شەڭبەرٸندە ٶتكٸزٸلگەن «مەڭگٸلٸك ەلدٸڭ مۇراتى» اتتى وبلىستىق بايقاۋدىڭ جەڭٸمپازدارى ماراپاتتالىپ, جەڭٸمپازدارعا «اق قاۋىرسىن» ەدەبي جٷلدەسٸ تاپسىرىلدى. «رۋح» بايقاۋىنىڭ قورىتىندىسى بويىنشا جارىققا شىققان كٸتاپتاردىڭ تۇساۋى كەسٸلدٸ. وسى باسقوسۋدا جازۋشىلار وداعىنا مٷشەلٸككە بٸر توپ قالامگەر سالتاناتتى جاعدايدا قابىلداندى.
رەسپۋبليكامىزدىڭ ەر ٶڭٸرٸنەن كەلگەن قالامگەرلەرگە قۇتتىقتاۋ تٸلەگٸن جەتكٸزگەن وبلىس ەكٸمٸنٸڭ ورىنباسارى ج. ومار:
- ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان ۇلتتىق سانانى جاڭعىرتۋ يدەياسىنىڭ تٷپ تامىرى – تٸلدە, ەدەبيەتتە, مەدەنيەتتە جاتىر. سوندىقتان باعدارلاما اياسىندا الماتى وبلىسىندا بٸر جىلدان بەرٸ 8 مىڭنان استام شارا ٶتكٸزٸلٸپ, 200 جوبا جٷزەگە اسىرىلۋدا. وبلىس ەكٸمٸ اماندىق باتالوۆتىڭ قولداۋىمەن بىلتىر بٸر مەزەتتە 39 كٸتاپ جارىققا شىعىپ, وقىرمانعا جول تارتتى. الداعى ۋاقىتتا وبلىستاعى بارلىق اۋىلدىق مەدەنيەت ٷيلەرٸن جاڭعىرتىپ, جاڭارتاتىن بولامىز. سونىمەن قاتار ەدەبي بايقاۋلاردىڭ, شىعارماشىلىق شارالاردىڭ دا ماڭىزى زور. بٷگٸنگٸ فورۋمعا وبلىستىڭ, رەسپۋبليكانىڭ ەر ٶڭٸرٸنەن تالانتتى جاستار جينالىپ وتىر. فورۋمعا قاتىسۋشىلاردى وسىناۋ ايتۋلى شارامەن شىن جٷرەكتەن قۇتتىقتاپ, بارشاڭىزعا شىعارماشىلىق شابىت تٸلەيمٸن! – دەدٸ ج. ومار.
مۇنان سوڭ قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت سٶز الىپ, وبلىستىڭ ەدەبيەتتٸ قولداۋداعى يگٸ باستاماسىنا ريزاشىلىعىن بٸلدٸردٸ. سونداي-اق اقىندار - جازۋشىلار وداعىنىڭ وبلىستىق فيليالىنىڭ ديرەكتورى ەرلان جٷنٸس, وبلىستىق «جەتٸسۋ» گازەتٸنٸڭ باس رەداكتورى ەمٸرە ەرٸن, بەلگٸلٸ اقىندار قالقامان سارين, باقىتگٷل باباش, جاس دارىن مۇحتار كٷمٸسبەك ٸزگٸ تٸلەكتەرٸن جەتكٸزدٸ.
فورۋم جۇمىسى مۇنان ەرٸ «رۋح» بەيگەسٸنٸڭ قورىتىندىسى بويىنشا جارىق كٶرگەن كٸتاپتاردىڭ تۇساۋكەسەرٸمەن جالعاستى.
شارادا «رۋحاني جاڭعىرۋ» باعدارلاماسى اياسىندا ٶتكەن «مەڭگٸلٸك ەلدٸڭ مۇراتى» اتتى وبلىستىق بايقاۋدىڭ قورىتىندىسى جارييا ەتٸلدٸ. ماراپاتتاۋ رەسٸمٸن وبلىس ەكٸمٸنٸڭ ورىنباسارى جاقسىلىق ومار اتقاردى.
پوەزييا جانرى بويىنشا ٸ ورىن «شابىت» حالىقارالىق شىعارماشىل جاستار فەستيۆالٸنٸڭ جٷلدەگەرٸ, مەملەكەتتٸك گرانت يەگەرٸ ساعىنىش نامازشاموۆا يەلەنسە, پروزادا ٸ ورىن جاس جازۋشى, «دارابوز» بەيگەسٸنٸڭ جٷلدەگەرٸ قانات ەبٸلقايىرعا بەرٸلدٸ. قوس جەڭٸمپازعا وبلىس ەكٸمٸنٸڭ «اق قاۋىرسىن» ەدەبي جٷلدەسٸ, اقشالاي سىيلىقتار مەن ديپلومدار تابىستالدى.
پوەزييا بويىنشا ٸٸ ورىندى ەرلان جٷنٸس پەن ارشىن نۇرباقىت, ٸٸٸ ورىندى قوزىباي قۇرمان مەن مۇحتار كٷمٸسبەك يەلەندٸ.
پروزا جانرىندا ٸٸ ورىندى ەسبولات ايدابوسىن جەنە گٷلجان امانگەلدٸقىزى, ٸٸٸ ورىندى اسحات ٶمٸرباي مەن داناگٷل بەرەكەت الدى. جٷلدەگەرلەردٸڭ بارلىعىنا اقشالاي سىيلىقتار مەن ديپلومدار بەرٸلدٸ.
وسى جيىن بارىسىندا قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت وداق مٷشەلٸگٸنٸڭ قاتارىنا قابىلدانعان جاستارعا سالتاناتتى جاعدايدا كۋەلٸك تاپسىردى. مٷشەلٸككە قابىلدانعان اراسىندا الماتى, اتىراۋ وبلىستارىنىڭ, استانا جەنە الماتى قالالارىنىڭ جاستارى بار.
اتاپ ٶتسەك, ەكٸ كٷنگە سوزىلعان «جەتٸسۋ كٶكتەمٸ» وبلىستىق فورۋمى اياسىندا جاس قالامگەرلەر قاراساي اۋدانىنداعى پرەزيدەنتتٸڭ «اتامەكەن» تاريحي-مەدەني ورتالىعىن, «باتىر بابالار» مەموريالى مەن «اناعا قۇرمەت» مۋزەيٸن, كەربۇلاق اۋدانىندا شوقان ۋەليحانوۆتىڭ مەموريالدىق مۋزەيٸن ارالادى. سول سيياقتى تالدىقورعان قالاسىنداعى قاراتال ٶزەنٸنٸڭ جاعالاۋىندا پوەزييا كەشٸن ٶتكٸزٸپ, سٷيٸنباي, مۇقاعالي ەسكەرتكٸشتەرٸنە گٷل شوقتارىن قويدى. سونداي-اق تٸل سارايىندا ەدەبيەتتٸڭ سان سالالى تاقىرىپتارىن تالقىلاعان سەكتسييالىق جۇمىستار ۇيىمداستىرىلعانىن ايتا كەتۋ كەرەك.
«مەڭگٸلٸك ەلدٸڭ مۇراتى» وبلىستىق بايقاۋىنا قىسقاشا توقتالساق, بايقاۋعا جاس قالامگەرلەر بٷركەنشٸك اتپەن قاتىستى. پوەزييادا «رۋحاني جاڭعىرۋ» تاقىرىبى, جەتٸسۋ ٶلكەسٸنٸڭ تاماشا تابيعاتى جەنە ەركٸن تاقىرىپ ۇسىنىلسا, پروزادا تۋعان ٶلكەگە ارنالعان تۋىندىلار قابىلدانعان.
