برازيلييانىڭ ريو-دە-جانەيرو قالاسىنان ەلٸنە ورالعان اۋىر اتلەتيكادان وليمپيادانىڭ كٷمٸس جٷلدەسٸن جەڭٸپ العان تۇڭعىش قازاق قىزى - جازيرا جاپپارقۇل ەۋەجايدا جۋرناليستەرگە بەرٸپ, التىن مەدال الماۋىنىڭ نەگٸزگٸ سەبەبٸن تٷسٸندٸرٸپ بەردٸ, دەپ حابارلايدى ۇلت.كز تٸلشٸسٸ «قازاقپاراتقا» سٸلتەمە جاساپ.
«قازاقستانعا امان-ەسەن كەلگەنٸمە قۋانىشتىمىن. ماعان قىزۋ قولداۋ كٶرسەتكەنٸ ٷشٸن قازاق ەلٸنە شىن جٷرەكتەن ٷلكەن العىسىمدى بٸلدٸرەمٸن! ەلباسىنا ايتار الىسىم شەكسٸز! بٸزدٸ كەرەمەت كٷتٸپ الىپ جاتىرسىزدار! بٸز سٸزدەردٸڭ قولداۋلارىڭىزدى ٷنەمٸ سەزٸنٸپ جٷردٸك. راحمەت! العا قازاقستان!», - دەدٸ ول.
سونىمەن قاتار, جازيرا ەندٸ الداعى توكيو وليمپياداسىندا چەمپيون اتانۋعا كٷش سالاتىندىعىن جەتكٸزدٸ.
«ەندٸ, بۇل وليمپيادادا التىن مەدالعا قول جەتكٸزۋدٸ جوسپارلاعان ەدٸم. الايدا, جاتتىعۋ بارىسىندا ازداپ قاتەلٸكتەر كەتتٸ. جاراقات الىپ قالدىم. سونى ەمدەتەم دەپ التىن ۋاقىتىمدى جوعالتىپ الدىم. بٸراق, ٶزٸم بەرٸبٸر كٶڭٸلٸمدٸ تٷسٸرگەن جوقپىن. ريودا سەل قيىنداۋ بولدى. بٸراق, قولىمنان كەلگەنٸنٸڭ بارلىعىن جاسادىم. اللاعا شٷكٸر, كٷمٸس جٷلدەگە قول جەتكٸزدٸم. بۇعان دا جەتە الماي جاتقاندار بار عوي. سول جەتە الماي جاتقاندارعا وسىنداي مەدالدارعا جەتە بەرۋلەرٸنە تٸلٸكتەسپٸن. قازاق ەلٸ جاساسىن! ەندٸ الداعى توكيو وليمپياداسىنا دايىندالامىن», - دەدٸ ج. جاپپارقۇل.
ەستەرٸڭٸزگە سالا كەتەلٸك, جازيرا جاپپارقۇل ريو وليمپياداسىندا 69 كەلٸگٸ دەيٸنگٸ سالماق دەرەجەسٸندە ٶنەر كٶرسەتتٸ. جۇلقا كٶتەرۋدەن جازيرا 115 كەلٸنٸ كٶتەردٸ, ال جۇلقا كٶتەرۋدە 144 كەلٸنٸ باعىندىردى. وسىلايشا قوسسايىستىڭ قورىتىندىسى بويىنشا 259 (115+144) كەلٸنٸ كٶرسەتٸپ, ريو وليمپياداسىنىڭ كٷمٸس جٷلدەگەرٸ اتاندى
