فوتو: primeminister.kz
اتىراۋ-ورال تراسساسىنىڭ 80-85-شاقىرىمىنىڭ ارالىعى جابىلۋى مٷمكٸن, دەپ حابارلايدى «ۇلت اقپارات» Kazinform-عا سٸلتەمە جاساپ.
اتىراۋ وبلىسى ەكٸمٸنٸڭ ورىنباسارى قايرات نۇرتاەۆتىڭ ايتۋىنشا, جايىق ٶزەنٸنٸڭ سۋى ارناسىنان اسقان.
وسىعان بايلانىستى اتىراۋ-ورال تراسساسىنىڭ 80-85-شاقىرىمى ارالىعىندا جەڭٸل اۆتوكٶلٸك قوزعالىسى بٷگٸننەن باستاپ توقتاتىلۋى مٷمكٸن.
كٶلٸك جٷرگٸزۋشٸلەرٸنە بالاما نۇسقا رەتٸندە وبلىستىق ماڭىزى بار اتىراۋ-يندەر تراسساسىمەن جٷرۋ ۇسىنىلىپ وتىر.
ماحامبەت جەنە يندەر اۋدانىنىڭ جايىق ٶزەنٸنٸڭ وڭ جاعالاۋىندا ورنالاسقان ەلدٸ مەكەندەرٸنە قاتىناۋ ٷشٸن ماحامبەت-ورتاقشىل اۋىلىنىڭ ماڭىنداعى كٶپٸردەن ٶتۋگە بولادى.
ەسكە سالا كەتەلٸك, بۇدان بۇرىن اتىراۋ-يندەر تراسساسى سۋ ٶتكٸزەتٸن 6 قۇبىر سالۋ ٷشٸن تاعى ۋاقىتشا جابىلاتىنىن جازعان ەدٸك.
