وسى ايدا كوروناۆيرۋس تابىلعان جاپونييانىڭ ايتي پرەفەكتۋراسىنىڭ تۇرعىنى ەدەيٸ ينفەكتسييا جۇقتىردى دەگەن كٷدٸككە ٸلٸندٸ. بۇل تۋرالى جۇما كٷنٸ Kyodo اگەنتتٸگٸ حابارلادى.
گاماگوري قالاسىنىڭ 50-دەن اسقان تۇرعىنىنان ناۋرىز ايىنىڭ باسىندا كوروناۆيرۋس تابىلدى. ەر ادامدى تەك كەلەسٸ كٷنٸ جۇقپالى اۋرۋلار بٶلٸمٸنە جٸبەرۋگە مٷمكٸندٸك تۋعان. سوندىقتان دەرٸگەرلەر ودان ٷيدە قالىپ, وقشاۋلانۋىن سۇراعان. ەلگٸ ونىڭ ورنىنا بۇدان بۇرىن كوروناۆيرۋس تابىلعان تۋىستارىنا «ۆيرۋس تاراتقىسى كەلەتٸندٸگٸن» ايتىپ, ەكٸ بارعا بارعان. سونداي-اق بارلاردىڭ بٸرٸندە كوروناۆيرۋس جۇقتىرعانىن ايتادى. مۇنى ەستٸگەن ونىڭ قىزمەتكەرلەرٸ شۇعىل پوليتسييا مەن دەنساۋلىق ساقتاۋ قىزمەتٸنە حابارلاسقان.
قازٸر پوليتسييا مەن جاپونييانىڭ دەنساۋلىق ساقتاۋ مينيسترلٸگٸنٸڭ قىزمەتكەرلەرٸ ەر اداممەن بايلانىستا بولعانداردى انىقتاپ, ول كٸرگەن بارلاردى تولىقتاي دەزينفەكتسييالاپ جاتىر.
