يرلاندييالىق ورتاسالماقتا ٶنەر كٶرسەتەتٸن مايكل و’رايلي بٸردە-بٸر جەكپە-جەك ٶتكٸزبەي, وليمپياداداعى بوكسەرلٸك تۋرنيردەن كەتٸپ بارادى, - دەپ حابارلايدى Vesti.kz. تاياۋدا يرلاندييانىڭ وليمپيادا كەڭەسٸ رەسمي تٷردە 23 جاستاعى بوكسشىنىڭ دوپينگ-سىناقتان ٶتە الماعانىن حابارلاعان.
و’رايلي ريوعا بارماستان بۇرىن يرلاندييا جەرٸندە جٷرگەن كەزدە كەزدەيسوق سىنمالاردان ٶتكەن, ال جاعىمسىز جاڭالىق 4 تامىزدا بەلگٸلٸ بولعان. وسى كەزدەن باستاپ ول وليمپيادا اۋىلىنان شەتتەتٸلٸپ, باسقا سپورتشىلارمەن قارىم-قاتىناستا بولماعان.
ايتا كەتەيٸك, و’رايلي 1/16 فينالىنا قاتىسپاعان, بٸراق ول 1/8 تۋرنيرٸندە مەكسيكالىق ميساەل رودريگەسپەن شىعۋى تيٸس بولعان. ەندٸگٸ كەزەكتە مەكسيكالىق جەكپە-جەكسٸز شيرەك فينالعا شىعاتىن بولدى.
و’رايلي قازاقستاندىق بوكسشى جەنٸبەك ەلٸمحانۇلىنىڭ باستى قارسىلاستارىنىڭ بٸرٸ بولىپ سانالعان. قازاقستاندىق بوكسشى 1/8 فينالىندا الجيرلٸك يلياس ابباديمەن كەزدەسەدٸ.
