قازاقستاندىق بوكسشى جەنٸبەك ەلٸمحانۇلى (9-0, 5 كو) حالىقارالىق WBC رەيتينگٸندەگٸ ورنىن جاقسارتتى, دەپ حابارلايدى Sports.kz پورتالى.
WBC رەيتينگٸنٸڭ جاڭارتىلعان نۇسقاسىندا قازاقستاندىق بوكسشى جەنٸبەك ەلٸمحانۇلى 72,6 كەلٸگە دەيٸنگٸ سالماق دەرەجەسٸندە توپ-5 بوكسشىنىڭ قاتارىنا ەندٸ. ٶتكەن ايمەن سالىستىرعاندا جەنٸبەك بٸر ساتىعا جوعارىلاپ, رەيتينگتٸڭ بەسٸنشٸ قاتارىنا كٶتەرٸلگەن. رەيتينگتٸڭ كٶشٸن بۇرىنعىشا ساۋل الۆارەس باستاپ تۇر.
ەسكە سالا كەتسەك, ەلٸمحانۇلى - ورتا سالماقتاعى WBO Global چەمپيوندىق بەلبەۋٸنٸڭ يەگەرٸ. ول ٶزٸنٸڭ سوڭعى جەكپە-جەگٸن قىركٷيەكتە ٶتكٸزٸپ, ارگەنتينالىق بوكسشى گونسالو كورييانى (16-4, 6 كو) ەكٸنشٸ راۋندتا نوكاۋتپەن جەڭگەن بولاتىن.
