28349 ەسكەري بٶلٸم كومانديرٸنٸڭ ورىنباسارى پودپولكوۆنيك رۋسلان جىلقىباەۆ قويماداعى ٶرتتٸڭ قالاي سٶندٸرٸلگەنٸن ايتتى, دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"ٶرتەنگەن قويماداعى ينجەنەرلٸك وق-دەرٸلەر تەحنيكالىق سيپاتتامالارىنا قاراي جارىلماۋى تيٸس. سوندىقتان ەسكەري بٶلٸمنٸڭ ٶرت سٶندٸرۋ توبى ٶرتتٸ وقشاۋلاۋ تۋرالى شەشٸم قابىلداعان. سونىمەن قاتار, وقيعا ورنىنا جول پاترۋلدٸك قىزمەتٸنٸڭ ٶرت سٶندٸرۋ بٶلٸمدەرٸ جۇمىلدىرىلعان.
جارىلىستاردىڭ سەبەپتەرٸن قۇرامىندا بٸلٸكتٸ ساراپشىلارى بار كوميسسييا انىقتاۋى كەرەك.
ەسكەري بٶلٸمنٸڭ ٶرت سٶندٸرۋ كومانداسى العاشقى سەتتەن باستاپ-اق ٶرتتٸ سٶندٸرۋگە كٸرٸستٸ. قالعان جەكە قۇرام جاقىن ماڭداعى ٷيلەردٸڭ تۇرعىندارىن كٶشٸرۋگە كٶمەكتەستٸ, وقيعا ايماعىن قورشاۋعا, ەسكەري بٶلٸمنٸڭ باسقا وبەكتٸلەرٸندەگٸ كٷزەتتٸ كٷشەيتۋگە كٸرٸستٸ.
بٶلٸمنٸڭ بارلىق ەسكەري قىزمەتشٸلەرٸ, جالپى سانى 100-گە جۋىق ادام اتالعان وقيعا ورنىنا تارتىلدى", - دەيدٸ رۋسلان جىلقىباەۆ.
