فوتو: قر دسم
بٸرنەشە كٷن بۇرىن جاقسى اۋدانىنىڭ نوۆوكيەنكا اۋىلىندا قايعىلى جاعداي ورىن الدى: جۇمىسشى تراكتوردىڭ استىنا تٷسٸپ قالدى. پوليتراۆما دياگنوزىمەن ٶتە اۋىر حالدەگٸ زارداپ شەگۋشٸ جەدەل جەردەممەن اۋداندىق اۋرۋحاناعا جەتكٸزٸلدٸ, دەپ حابارلايدى Ult.kz.
پاتسيەنت تٷسكەن سەتتەن باستاپ ەربٸر مينۋت ەسەپتە بولدى. ەر ادامنىڭ جاعدايى ٶمٸرٸنە قاۋٸپتٸ دەپ باعالاندى. جانساقتاۋ بٶلٸمٸندە دەرەۋ دياگنوستيكا جٷرگٸزٸلٸپ, شۇعىل شارالار باستالدى. حيرۋرگتەر ٸشكٸ قاتتى قان كەتۋدٸ توقتاتىپ, باۋىردى تٸكتٸ. ٶكپەنٸڭ جۇمىسىن قالپىنا كەلتٸرۋ ٷشٸن پلەۆرا قۋىسىنا درەناج ورناتىلدى. سونىمەن قاتار, سىرتقى بەكٸتۋ اپپاراتىنىڭ كٶمەگٸمەن جامباس سٷيەكتەرٸ تۇراقتاندىرىلدى.
وسىنداي جەدەل ەرەكەتتەردٸڭ ارقاسىندا پاتسيەنتتٸ كريتيكالىق كٷيدەن شىعارىپ, جاعدايىن بٸرقالىپتى ۇستاۋ مٷمكٸن بولدى. الايدا, جاراقاتتاردىڭ اۋىرلىعى كەلەسٸ, بۇدان دا كٷردەلٸ كەزەڭدٸ — جامباس سٷيەكتەرٸن تولىق رەكونسترۋكتسييالاۋدى تالاپ ەتتٸ.
ەدەتتە مۇنداي كٷردەلٸلٸك دەڭگەيٸندەگٸ وتالار تەك وبلىستىق ورتالىقتاردا نەمەسە رەسپۋبليكالىق ينستيتۋتتاردا جاسالادى. بٸراق پاتسيەنتتٸڭ جاعدايى شۇعىل كٶمەكتٸ دەل سول جەردە كٶرسەتۋدٸ قاجەت ەتتٸ.
تراۆماتولوگييا ينستيتۋتىنىڭ ماماندارىمەن تەلەمەديتسينا ارقىلى ٶتكٸزٸلگەن كونسيليۋمنان كەيٸن, جاقسى اۋرۋحاناسىنىڭ دەرٸگەرلەرٸ باتىل شەشٸم قابىلدادى: قاشىقتىقتان كۋراتورلىق باقىلاۋ ارقىلى وتانى ٶزدەرٸ جاساۋعا بەل بايلادى.
بۇل كٷردەلٸ وتا اۋدان تاريحىندا تۇڭعىش رەت جاسالدى. بەس ماماننان تۇراتىن بريگادا 7 ساعات بويى جامباس سٷيەكتەرٸن قايتا جيناپ شىقتى. بۇل جوعارى شەبەرلٸك پەن زور جاۋاپكەرشٸلٸكتٸ تالاپ ەتەتٸن ٶتە نەزٸك جۇمىس بولدى.
بٷگٸنگٸ تاڭدا دەرٸگەرلەردٸڭ ناعىز كەرەمەت جاساعانىن ايتۋعا بولادى. پاتسيەنتتٸڭ جاعدايى تۇراقتى, ورتاشا اۋىر دەرەجەدە دەپ باعالانۋدا. ەڭ باستىسى — ەر ادامنىڭ قيمىل-قوزعالىس بەلسەندٸلٸگٸ قالپىنا كەلدٸ.
