ۋكراينا پرەزيدەنتٸ ەلدٸڭ شىعىسىنداعى جاعداي "ٶتە قيىن" ەكەنٸن مەلٸمدەدٸ. بۇل تۋرالى ول كەيٸنگٸ ۆيدەوٷندەۋٸندە ايتتى, - دەپ حابارلايدى Tengrinews.kz تٸلشٸسٸ Reuters اگەنتتٸگٸنە سٸلتەمە جاساپ.
ۆلاديمير زەلەنسكيي سەنبٸدە ۆيدەوٷندەۋ جاساپ, كەلەسٸ اپتادا ۋكراينا قارۋ-جاراق الۋ تۋرالى "جاقسى جاڭالىقتار" كٷتەتٸنٸن ايتتى.
ونىڭ سٶزٸنشە, قارۋ رەسەي ەسكەرٸن, اتاپ ايتقاندا ۋكراينانىڭ شىعىسىنداعى شابۋىلدى توقتاتۋ ٷشٸن قاجەت.
"جاعداي ٶتە قيىن. ەسٸرەسە, دونباسس پەن حاركوۆ ايماعىندا رەسەي ەسكەرٸ ٶزٸ ٷشٸن قانداي دا بٸر نەتيجە كٶرٸپ قالعىسى كەلەدٸ", - دەدٸ زەلەنسكيي.
سونىمەن قاتار, ول 2014 جىلدان باستاپ رەسەي باسىپ العان بارلىق جەردٸ, سونىڭ ٸشٸندە قىرىمدى دا كٷشپەن قايتارۋعا بولاتىنىنا سەنبەيتٸنٸن مەلٸمدەدٸ.
"بٸز بٷكٸل اۋماقتى ەسكەري جولمەن قايتارا الامىز دەگەنگە سەنبەيمٸن. بٸز وسى جولمەن جٷرۋدٸ ۇيعارساق, وندا مىڭداعان ادامنان ايىرىلامىز", - دەدٸ ول.
