يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە زەكٸر سافيۋللين كٷمٸس مەدال جەڭٸپ الدى, دەپ حابارلايدى "ۇلت اقپارات".
63 كەلٸ سالماقتا ەل نامىسىن قورعاعان وتانداسىمىز فينالدا ٶزبەك بوكسشىسى ەلنۋر ابدۋرايموۆپەن قولعاپ تٷيٸستٸردٸ.
جەكپە-جەك العاشقى مينۋتتاردان-اق تارتىستى باستالدى. بٸرٸنشٸ راۋند قورىتىندىسى بويىنشا سافيۋللين العا شىقتى. بەس تٶرەشٸنٸڭ تٶرتەۋٸ جەرلەسٸمٸزدٸ جەڭٸمپاز دەپ تاپسا, ەكٸنشٸ راۋندتا ٶزبەك بوكسشىسى ەسەپتٸ تەڭەستٸرٸپ كەتتٸ. ال شەشۋشٸ ٷشٸنشٸ راۋندتا ەكٸ بوكسشى دا تەڭدەي دەرەجەدە جۇدىرىقتاستى. الايدا, تٶرەشٸلەر ٶزبەك بوكسشىسىن جەڭٸمپاز دەپ تاپتى.
وسىلايشا, ز. سافيۋللين اتالعان تۋرنيردە وليمپيادا جولداماسىمەن قاتار كٷمٸس جٷلدەنٸ دە قوسا جەڭٸپ الدى.
