دٷنيەجٷزٸلٸك بوكس كەڭەسٸ (WBC) بارلىق سالماق دەرەجەسٸندەگٸ بوكسشىلار رەيتينگٸنٸڭ جاڭارعان نۇسقاسىن جارييالادى, دەپ حابارلايدى Sports.kz سايتى.
قازاقستاندىق بوكسشىلارعا قاتىستى ٶزگەرٸستەر كەلەسٸدەي:
ەكٸنشٸ ورتا سالماقتاعى ەلي احمەدوۆ 17-شٸ ورىننان 15-كە كٶتەرٸلدٸ. ايدوس ەربوسىنۇلى 32-دەن 34-ورىنعا تٷسٸپ قالدى. ورتا سالماقتاعى جەنٸبەك ەلٸمحانۇلى رەيتينگٸن جاقسارتىپ, 27-دەن 16-عا كٶتەرٸلدٸ. مەيٸرٸم نۇرسۇلتانوۆ تٶرت ورىن جوعالتىپ, 29-شى پوزيتسيياعا ورنالاستى. قانات يسلام بٸرٸنشٸ ورتا ديۆيزيونعا 24-شٸ نٶمٸرمەن قايتا ورالدى. سادريددين احمەدوۆ 34-ورىننان 33-كە كٶتەرٸلدٸ. مادييار ەشكەەۆ رانگتار تۋرالى كەستەگە كٸرٸپ, 39-ورىنعا ورنالاستى. جارتىلاي ورتا سالماقتا ٶنەر كٶرسەتەتٸن نۇرسۇلتان جاڭاباەۆ 37-پوزيتسييانى يەلەنگەن. بٸرٸنشٸ جارتىلاي ورتا سالماقتاعى باتىر جٷكەمباەۆ 14-ورىنان 13-كە كٶتەرٸلدٸ. جانقوش تۇراروۆ 40-شى نٶمٸرمەن رەيتينگكە قوسىلدى. جەڭٸل سالماق ٶكٸلٸ ۆيكتور كوتوچيگوۆ بۇدان بۇرىن 38-دە بولسا, ەندٸ 25-ورىنعا جايعاستى.
