بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن قر اۋماعىندا كوروناۆيرۋس ينفەكتسيياcىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) وتىرىسى ٶتتٸ, دەپ حابارلايدى "ۇلت اقپارات".
نۇر-سۇلتان قالاسىندا «دەلتا» («ٷندٸ») شتاممىنا تەن COVID-19 مۋتاتسيياسىنىڭ انىقتالۋىنا بايلانىستى ۆەدومستۆوارالىق كوميسسييا قر باس مەملەكەتتٸك سانيتار دەرٸگەرٸنە كارانتيندٸك رەجيم بويىنشا مىناداي قوسىمشا شارالار قابىلداۋدى ۇسىندى:
- COVID-19-عا قارسى ۆاكتسيناسىز (تۇراقتى مەديتسينالىق قارسى كٶرسەتٸلٸمدەرٸ بار جەنە اۋىرىپ شىققان ادامداردى قوسپاعاندا) قىزمەت كٶرسەتۋ سالاسىنىڭ قىزمەتكەرلەرٸ, ٸرٸ ۇيىمداسقان ۇجىمدار (ٶنەركەسٸپتٸك كەسٸپورىندار) ٷشٸن جۇمىسقا كٸرۋگە شەكتەۋ ەنگٸزۋ);
- كۆي-عا قارسى ۆاكتسينا الۋدان باس تارتاتىن (كۆي-عا قارسى ۆاكتسينالاۋعا مەديتسينالىق قارسى كٶرسەتٸلٸمٸ جوق ازاماتتار) قىزمەت كٶرسەتۋ سالاسىنىڭ, ٶنەركەسٸپ كەسٸپورىندارىنىڭ جەنە ٶزگە دە ۇيىمداسقان ۇجىمداردىڭ قىزمەتكەرلەرٸ ٷشٸن مٸندەتتٸ پتر-تەستٸلەۋ تالابىن ەنگٸزۋ;
- «Ashyq» جوباسىنا جاڭا كەسٸپكەرلٸك سۋبەكتٸلەرٸن قوسۋ ٷشٸن, سونداي-اق جوبا اياسىندا جۇمىس ٸستەپ تۇرعان سۋبەكتٸلەردٸڭ جۇمىسىن ودان ەرٸ جالعاستىرۋ ٷشٸن بارلىق پەرسونالدى (تۇراقتى مەديتسينالىق قارسى كٶرسەتٸلٸمدەرٸ بار جەنە اۋىرىپ شىققان ادامداردى قوسپاعاندا) ۆاكتسينالاۋ قاجەتتٸلٸگٸ جٶنٸندە تالاپ ەنگٸزۋ);
- «Ashyq» جوباسىنا ساۋدا ويىن-ساۋىق ورتالىقتارىن, ساۋدا ٷيلەرٸ مەن ازىق-تٷلٸكتٸك ەمەس بازارلاردى قوسۋ.
سونداي-اق, دەنساۋلىق ساقتاۋ مينيسترلٸگٸنٸڭ نۇر-سۇلتان قالاسى بويىنشا كارانتيندٸك رەجيمدٸ كٷشەيتۋ جٶنٸندەگٸ ۇسىنىسى قولداۋ تاپتى:
- سەنبٸ جەنە جەكسەنبٸ كٷندەرٸ جۇمىس ٸستەۋگە تىيىم سالا وتىرىپ, جۇمىس كٷندەرٸ ساعات 17:00-گە دەيٸن ازىق-تٷلٸك ەمەس تاۋارلاردى ساتاتىن ساۋدا ويىن-ساۋىق ورتالىقتارىنىڭ, ساۋدا ورتالىقتارىنىڭ, ساۋدا جەلٸلەرٸنٸڭ جۇمىس رەجيمٸن شەكتەۋ (وسى وبەكتٸلەردە COVID-19-عا قارسى جاپپاي ۆاكتسينالاۋ پۋنكتتەرٸنٸڭ ورنالاسۋىنا قاراماستان);
- سەنبٸ جەنە جەكسەنبٸ كٷندەرٸ جۇمىس ٸستەۋگە تىيىم سالا وتىرىپ, ساعات 7.00-20.00 ارالىعىندا عيمارات ٸشٸندەگٸ قوعامدىق تاماقتانۋ وبەكتٸلەرٸنٸڭ (مەيرامحانالار, دەمحانالار, بارلار, اسحانالار) جۇمىسىن شەكتەۋ, اشىق اۋادا ساعات 7.00-22.00 ارالىعىندا شەكتەۋ («Ashyq» جوباسىنا قاتىساتىن وبەكتٸلەردٸ قوسپاعاندا»);
- جابىق ازىق-تٷلٸكتٸك ەمەس بازارلاردىڭ جۇمىسىن دەمالىس كٷندەرٸ جۇمىس ٸستەۋگە تىيىم سالا وتىرىپ, ساعات 10.00-دەن 20.00-گە دەيٸن شەكتەۋ (وسى وبەكتٸلەردە COVID-19-عا قارسى جاپپاي ۆاكتسيناتسييالاۋ پۋنكتتەرٸنٸڭ ورنالاسۋىنا قاراماستان);
- سانيتارلىق تالاپتاردى ساقتاي وتىرىپ, 100 ادامنان اسسا, اشىق اۋادا جاپپاي ٸس-شارالار ٶتكٸزۋگە تىيىم سالۋ (دٸني, سپورتتىق جەنە ت.ب.)
سونىمەن قاتار ە. توعجانوۆ ورتالىق مەملەكەتتٸك ورگاندارعا, ەكٸمدٸكتەرگە شتاممنىڭ جوعارى كونتاگيوزدىلىعىن ەسكەرە وتىرىپ, «دەلتا» شتامىنىڭ تارالۋىنىڭ الدىن الۋ بويىنشا بارلىق شارالاردى قابىلداۋدى تاپسىردى.
دەنساۋلىق ساقتاۋ مينيسترلٸگٸنە ەكٸمدٸكتەرمەن بٸرلەسٸپ, وسى جىلعى 28 ماۋسىمعا دەيٸن رەزەرۆتٸك قورلارداعى تٶسەك قورىنا, كادرلىق قامتاماسىز ەتۋگە, دەرٸ-دەرمەكتەردٸڭ جەتكٸلٸكتٸلٸگٸنە تەكسەرۋ جٷرگٸزۋ تاپسىرىلدى.
قورىتىندىلاي كەلە, پرەمەر-مينيستردٸڭ ورىنباسارى حالىقتى كوروناۆيرۋسقا قارسى ۆاكتسينامەن قامتۋدى ۇلعايتۋ قاجەتتٸگٸن اتاپ ٶتتٸ.
