باتىس قازاقستان وبلىسىندا 160 مىڭعا جۋىق ادام كوروناۆيرۋسقا قارسى ۆاكتسينا سالدىردى. ولاردىڭ جارتىسىنان كٶبٸ ەكپەنٸڭ ەكٸنشٸ كومپونەنتٸن الىپ ٷلگەردٸ. ايماقتاعى ٸرٸ كەسٸپورىن ۇجىمدارى بۇل باعىتتا بەلسەندٸلٸك تانىتىپ جاتىر. كەيبٸر ٶندٸرٸس وشاعىندا جۇمىسشىلاردىڭ 90%-ىنان استامى ۆاكتسينا العان.
دۋمان ٷش جىلدان بەرٸ ورالداعى جيھاز زاۋىتىندا وپەراتور بولىپ ەڭبەك ەتٸپ جٷر. ارناۋلى بٸلٸم الماعان. كەسٸپورىنعا كەلگەننەن كەيٸن تەجٸريبە جيناقتاپ, قازٸر كەسٸبي مامان بولدى. زاۋىتتا جۇمىسشىلار دا, تۇتىنۋشىلار دا كٶپ. سوندىقتان قاۋٸپسٸزدٸك باستى نازاردا. دۋمان ەلدە دەرت دەندەگەن ۋاقىتتا بەيجاي قالماي, ۆاكتسينا سالدىردى. قازٸر بۇرىنعىداي قورقىنىش جوق ەكەنٸن ايتادى.
اۋىرعان جوقپىن. جاقسى قابىلدادىم. ەڭ بٸرٸنشٸ ٶزٸڭنٸڭ قاۋٸپسٸزدٸگٸڭ ٷشٸن عوي. سوسىن ورتاڭداعى ادامداردىڭ قاۋٸپسٸزدٸگٸ ٷشٸن. الماعان ادامدارعا الۋعا كەڭەس بەرەمٸن, - دەدٸ دۋمان ناعيەۆ.
بقو-دا ەڭ ٷلكەن جيھاز زاۋىتى جۇمىس ٸستەيدٸ. مۇندا مىڭعا جۋىق ادام ەڭبەك ەتەدٸ. ٶندٸرٸس ورنىندا شىعارىلعان تاۋارلارعا سۇرانىس جوعارى. رەسپۋبليكانىڭ بارلىق ايماعىمەن قاتار, رەسەي, ارمەنييا, قىتاي, تٷركييا ەلدەرٸنە دە ەكسپورتتالادى. ٸشكٸ جەنە سىرتقى نارىقتا قىزۋ جۇمىس جٷرٸپ جاتقاندىقتان, ەربٸر ەڭبەككەردٸڭ رٶلٸ مەن دەنساۋلىعى ماڭىزدى. ولار كٷن سايىن جٷزدەگەن بٶگدە اداممەن بايلانىستا بولادى. سوندىقتان ۇجىمنىڭ شامامەن 95 پايىزى ٸندەتكە قارسى ەكپە سالدىرىپ ٷلگەرگەن. بۇل كٶرسەتكٸش – جەرگٸلٸكتٸ كەسٸپورىندار اراسىنداعى جوعارى نەتيجە.
مەن ادامداردى جاپپاي ۆاكتسينالاۋ دۇرىس دەپ ويلايمىن. قاتەرلٸ دەرتتٸ قوعام بولىپ جەڭۋٸمٸز كەرەك. بٸزدٸڭ ۇجىمدا باسىندا بٸرازى جٷرەكسٸنگەنٸ راس. مەديتسينالىق قىزمەتكەرلەر كەسٸپورىنعا كەلٸپ, جۇمىسشىلارمەن كەزدەسۋلەر ٶتكٸزدٸ. تٷسٸندٸرۋ جۇمىستارىنان سوڭ ٶز ەركٸمەن ەكپە سالدىرعاندار ٷلەسٸ كٷرت ارتتى. بٸزدٸڭ فابريكادا وسىعان دەيٸن ەشكٸم ٸندەت جۇقتىرعان جوق. دەگەنمەن بارلىعى ساقتىق ٷشٸن وسىنداي شەشٸم قابىلداپ جاتىر, - دەدٸ كەسٸپورىننىڭ باس ديرەكتورى ميحايل پشەنيچنىي.
نان ٶنٸمدەرٸ كومبيناتىندا دا ۆاكتسينالاۋ ناۋقانى قارقىندى. ٶز ەركٸمەن ەكپە سالدىرعانداردىڭ بٸرٸ دينارا كەرٸموۆا دەرتكە قاتىستى ٷرەي مەن كٷمەننەن ارىلعانىن جەتكٸزدٸ. تەجٸريبەلٸ مامان كەسٸپورىندا 11 جىلدان بەرٸ قىزمەت اتقارىپ كەلەدٸ. ول قامباداعى بيداي مەن ٶندٸرٸلگەن ۇننىڭ ساپاسىنا جاۋاپتى. ال ٸرٸ كامبيناتتىڭ نان ٶنٸمدەرٸ جٷزدەگەن دٷكەننٸڭ سٶرەسٸ مەن مىڭداعان شاڭىراقتىڭ داستارحانىندا تۇرادى. تيٸسٸنشە ٶندٸرٸس ورنىندا سانيتارلىق-ەپيدەميولوگييالىق تالاپتاردى ەسكەرمەۋگە مٷلدە بولمايدى.
ٶزٸمنٸڭ, جانۇيامنىڭ, ەرٸپتەستەرٸمنٸڭ جەنە بارلىق تۇتىنۋشىنىڭ دەنساۋلىعىن ويلادىم. نان ٶنٸمدەرٸ كٷندەلٸكتٸ تۇتىناتىن ەڭ قاجەتتٸ تاعام. ال ونى بٸز ٶندٸرەتٸن بولعاندىقتان, بارىنشا ساق بولۋىمىز كەرەك, - دەپ اتاپ ٶتتٸ كەسٸپورىننىڭ زەرتحانا مامانى.
بۇل كومبيناتتا 225 ادام ەڭبەك ەتەدٸ. تەۋلٸگٸنە 20 توننا ماكارون, 260 توننا ۇن ٶندٸرٸلەدٸ. ٶنٸمدەر جەرگٸلٸكتٸ نارىققا جەنە رەسەي, ٶزبەكستان ەلدەرٸنە شىعارىلادى. كەسٸپورىن ايماقتا العاشقىلاردىڭ بٸرٸ بولىپ ۆاكتسينالاۋ ناۋقانىنا قولداۋ كٶرسەتكەن ەدٸ. بٷگٸندە ەكپە العانداردىڭ ٷلەسٸ 90 پروتسەنتتەن استى.
كەسٸپورىن جۇمىسشىلارىنىڭ 195-ٸ ۆاكتسينا سالدىردى. ال قالعان ادامدار دەنساۋلىعىنا بايلانىستى سالدىرا المادى. پاندەمييا كەزٸندە ٶندٸرٸس قۋاتى تٶمەندەدٸ. تابىس كٶلەمٸ دە ازايدى. ال داعدارىستان شىعىپ, جۇمىستى ودان ەرٸ جانداندىرۋ ٷشٸن ەڭبەك كٷشٸ مەن ولاردىڭ دەنساۋلىعىنا باسىم باعىت بەرٸلدٸ. قازٸر ۇجىمدىق يممۋنيتەت قالىپتاستىرىپ, تابىستى ەڭبەك ەتٸپ جاتىرمىز, - دەدٸ كادر بٶلٸمٸنٸڭ مامانى.
ايماقتا ٸرٸ كەسٸپورىندار جەتەرلٸك. ەربٸر زاۋىتتا كەمٸندە جٷزدەگەن ادام تابىس تاۋىپ جٷر. ەڭبەك ۇجىمدارى دەرتكە قارسى قوعام بولىپ جۇمىلۋدى جٶن كٶرٸپ, جاپپاي ٷلەس قوسىپ جاتىر.
