قازاقستاندىق گەنناديي گولوۆكين مەن ەلەمدٸك بوكس جۇلدىزى مەكسيكالىق ساۋل الۆارەستٸڭ جەكپە-جەگٸن ۇيىمداستىرۋ الدىندا تاراپتار اراسىندا گونورارلاردى بٶلۋگە قاتىستى كٶپتەگەن كەلٸسپەۋشٸلٸكتەر پايدا بولدى, دەپ حابارلايدى Sport.kz.
IBA نۇسقاسى بويىنشا ەكٸنشٸ جەڭٸل سالماقتاعى كەسٸپقويلار اراسىنداعى ەلەمنٸڭ ەكس-چەمپيونى مارات مەزٸمباەۆتىڭ «كانەلومەن» تريلوگييادا قارجىلىق جاعدايدى ساقتاپ قالۋ گولوۆكينگە قيىنعا تٷسەتٸنٸ يا تٷسپەيتٸنٸ تۋرالى ٶز پٸكٸرٸن بٸلدٸرگەن.
- نەگٸزٸندە بەرٸ «كانەلونىڭ» قولىندا, سوندىقتان گەنا بۇل ايقاستىڭ ٶتۋٸ ٷشٸن ونىڭ تالاپتارىنا كەلٸسۋگە مەجبٷر بولادى. ەرينە, گولوۆكيننٸڭ جەكە مٷددەلەرٸ دە بار, بٸراق كەلٸسٸمگە كەلۋ شارتىن الۆارەس ۇسىناتىن بولادى. ەڭ باستىسى – جەكپە-جەكتٸڭ ٶتۋٸ. گولوۆكين كەلٸسٸمشارت بويىنشا ٶزٸنە بٶلٸنگەن اقشانى الادى. مەنٸڭ ويىمشا, بۇل – ايتارلىقتاي سوما, — دەپ سٶزٸن تٷيٸندەدٸ ساراپشى.
