ەۋە اپاتىندا جاراقات العان ۇقك قىزمەتكەرلەرٸنٸڭ جاعدايى ەلٸ اۋىر. بۇل تۋرالى №4 قالالىق كلينيكالىق اۋرۋحانانىڭ باس دەرٸگەرٸ ساعي بەيسەنبەكوۆ ايتتى, دەپ حابارلايدى "ۇلت اقپارات".
«ەكٸ ناۋقاس №4 قالالىق كلينيكالىق اۋرۋحانانىڭ جانساقتاۋ بٶلٸمٸندە ەم الىپ جاتىر. زارداپ شەككەندەردٸڭ بٸرٸنٸڭ جاعدايى ورتاشا اۋىر, ەكٸنشٸ ناۋقاس - ەسكەري قىزمەتكەردٸڭ جاعدايى تۇراقتى اۋىر دەپ باعالانادى. كومبۋستيولوگتار كٷيٸك اۋرۋلارىن ەمدەپ جاتىر. دەرٸگەرلەر پاتسيەنتتەردٸڭ بٸرٸن اۋتودەرموپلاستيكاعا (ٶز تەرٸسٸنٸڭ ساۋ بٶلٸگٸن تەرەڭ جاراقات ورنىنا ترانسپلانتاتسييالاۋعا) دايىنداپ جاتىر, بٸرٸنشٸ كەزەڭ سەتتٸ ٶتتٸ», - دەيدٸ №4 قالالىق كلينيكالىق اۋرۋحانانىڭ باس دەرٸگەرٸ ساعي بەيسەنبەكوۆ.
ەسكە سالا كەتەيٸك, 13 ناۋرىز كٷنٸ نۇر-سۇلتان-الماتى باعىتىندا كەلە جاتقان ان-26 ەسكەري ۇشاعى 17.22 كەزٸندە راداردان جوعالىپ, قالا ەۋەجايى ماڭىندا اپاتقا ۇشىراعان ەدٸ.
ۇشاقتا بولعان 4 ادام قازا تاپتى. 2 ادام تٷرلٸ جاراقاتپەن الماتى قالاسىنىڭ №4 قالالىق كلينيكالىق اۋرۋحاناسىنا جەتكٸزٸلدٸ.
