ٷش وبلىستا تاس جولداردى سۋ شايىپ كەتتٸ

فوتو: ۆيدەودان كادر

24 ناۋرىز ساعات 08:00-دەگٸ مەلٸمەت بويىنشا ٷش وبلىستاعى 3 رەسپۋبليكالىق ماڭىزى بار اۆتوموبيل جولىن ەرٸگەن قار سۋى باستى. سالدارىنان كٶلٸك قوزعالىسىنا شەكتەۋ قويىلدى. بۇل تۋرالى "قازاۆتوجول"مەلٸمدەدٸ, دەپ حابارلايدى Ult.kz.

اقتٶبە وبلىسى:
"قاندىاعاش - ەمبٸ- شالقار - ىرعىز" اۆتوجولىنىڭ 3-92 شاقىرىمى ارالىعى (قاندىاعاش قالاسى - ەمبٸ قالاسى).

قوستاناي وبلىسى:
قازاقستان مەن رەسەي اراسىنداعى بەيتاراپ تەرريتوريياداعى مارينوۆكا اۋىلىنا جاقىن ايماقتا (رف شەكاراسى).

سولتٷستٸك قازاقستان وبلىسى:
"پەتروپاۆل قالاسىنىڭ اينالما جولى" اۆتوجولىنىڭ 4-7 شاقىرىمى ارالىعىندا (قوجابەرگەن جىراۋ اينالما جولىنان ەسٸل ٶزەنٸ ارقىلى ٶتەتٸن كٶپٸرگە دەيٸن).

قازٸرگٸ تاڭدا رەسپۋبليكالىق جولداردى كٷتٸپ-ۇستاۋعا 259 ارنايى تەحنيكا مەن 539 مامان جۇمىلدىرىلدى.