22 قىركٷيەكتە سەتباەۆ قالاسىنان 35 شاقىرىم جەردە ورنالاسقان, 2025 جىلدان بەرٸ پايدالانىلماي تۇرعان №45 شاحتانىڭ اۋماعىندا شاحتانىڭ اعاش كونسترۋكتسييالارى 50 شارشى مەتر اۋماقتا جانعان ult.kz.
وقيعا ورنىنا تٶتەنشە جاعدايلار دەپارتامەنتٸنٸڭ كٷشتەرٸ مەن قۇرالدارى دەرەۋ جەتتٸ. قۇتقارۋشىلار كەلگەن كەزدە شاحتانىڭ اعاش كونسترۋكتسييالارى جانىپ, كەيٸن ٶرت جەر استىنداعى شاحتا وقپانىنىڭ اعاش كونسترۋكتسييالارىنا, سونىڭ ٸشٸندە شپالدارعا تارالعانى انىقتالدى.
كەشكە قاراي ٶرت تولىق سٶندٸرٸلدٸ. زارداپ شەككەندەر جوق. ٶرتتٸڭ شىعۋ سەبەبٸ انىقتالۋدا.
ٶرتتٸ سٶندٸرۋگە ۇلىتاۋ وبلىسى تٶتەنشە جاعدايلار دەپارتامەنتٸنٸڭ شامامەن 35 قىزمەتكەرٸ مەن 10 تەحنيكاسى, سونداي-اق جاسو-نىڭ تاۋ-كەن قۇتقارۋشىلارى جۇمىلدىرىلدى.
