قازاقستاندىق «ۇلى دالا زارى» فيلمٸ «وسكار» سىيلىعىنان ٷمٸتتٸ, دەپ حابارلايدى "ۇلت اقپارات".
قازاقستاندىق كينوتۋىندى «وسكار» سىيلىعىنىڭ «شەت تٸلدەگٸ ٷزدٸك فيلم» نوميناتسيياسىنا ۇسىنىلعان. فيلمنٸڭ پروديۋسسەرٸ - ەرنار مەلٸكوۆ, ال رەجيسسەرٸ - مارينا قوناروۆا.
«قازاقستاننىڭ كينوگەرلەر وداعى اقش-تاعى «وسكار» كوميتەتٸنە بٸز جاقتان وسى كينوتۋىندىمىزدى ۇسىندى. بٸز اقش-قا فيلمدٸ جولدادىق, وسىدان ەكٸ كٷن بۇرىن «وسكار» سىيلىعى كوميتەتٸنٸڭ شەشٸمٸ شىقتى. ولار قازاقستاندىق فيلمدٸ قابىلداعانى تۋرالى حاتتاما شىعاردى. ەندٸ الداعى ۋاقىتتا انكەتا تولتىرتىپ, فيلمدٸ قانداي فورماتتا جولداۋ قاجەتتٸگٸن حابارلايدى», - دەدٸ فيلمنٸڭ پروديۋسەرٸ ەرنار مەلٸكوۆ .
«وسكار» سىيلىعىنىڭ قورىتىندىسى كەلەسٸ جىلدىڭ سەۋٸر ايىندا جارييالانادى.
«ۇلى دالا زارى» فيلمٸ – 1920-1933 جىلدار ارالىعىنداعى قازاق حالقىنىڭ باسىنان ٶتكەن اشارشىلىق تاريحىنا ارنالعان كينوتۋىندى. سول زۇلمات كەزەڭدە قازاق حالقى اشارشىلىقتان قىرىلىپ, امان قالعانى شەتەلدە بوسىپ كەتۋگە مەجبٷر بولعان ەدٸ. فيلمنٸڭ تۇساۋكەسەرٸ 2020 جىلعى 7-9 قاراشا ارالىعىندا لوس-اندجەلەستەگٸ حالىقارالىق ازييا كينوفەستيۆالٸندە ٶتكەن. ەرنار مەلٸكوۆتىڭ ايتۋىنشا, فيلمدٸ تٷسٸرۋگە بەس جىلداي ۋاقىت كەتكەن.
فيلمدٸ قازاقستاندىق www.cinexus.kz ونلاين-كينوتەاترىنان كٶرۋگە بولادى.
