قر پرەمەر-مينيسترٸ اسقار ماميننٸڭ تٶراعالىعىمەن جەنە قر پارلامەنتٸ مەجٸلٸسٸنٸڭ تٶراعاسى ن. نىعماتۋليننٸڭ قاتىسۋىمەن ٶتكەن جاڭعىرتۋ جٶنٸندەگٸ ۇلتتىق كوميسسييانىڭ وتىرىسىندا «تۇڭعىش پرەزيدەنت – ەلباسى ن. نازارباەۆتىڭ بەس ينستيتۋتسيونالدىق رەفورماسىن ٸسكە اسىرۋدىڭ 100 ناقتى قادامى» ۇلت جوسپارىنىڭ ورىندالۋ بارىسى قارالدى, دەپ حابارلايدى primeminister.kz.
«100 ناقتى قادام» ۇلت جوسپارىن جٷزەگە اسىرۋ ەلباسىنىڭ جەكە باقىلاۋىندا. مەملەكەت باسشىسى ق. توقاەۆ قازاقستان حالقىنا ارناعان جولداۋىندا ەلباسى قۇرعان جاڭعىرتۋ جٶنٸندەگٸ ۇلتتىق كوميسسييانىڭ جۇمىسىن قايتا باستاۋدى تاپسىردى. “100 ناقتى قادام” ۇلت جوسپارىنىڭ ورىندالۋىن باقىلاۋ مٸندەتٸ ەل پارلامەنتٸندەگٸ "Nur Otan" پارتيياسى فراكتسيياسىنىڭ الدىنا دا قويىلعان. قازٸرگٸ شىنايىلىقتاردى جەنە ٶزگەرٸپ جاتقان جاعدايدى ەسكەرە وتىرىپ, بٸز بارلىق كٷش-جٸگەرٸمٸزدٸ ٷيلەستٸرٸپ, ۇلت جوسپارىنىڭ قادامدارىن ٸسكە اسىرۋ بويىنشا قازٸرگٸ تەسٸلدەردٸ قايتا قاراپ, جۇمىستى جانداندىرۋىمىز كەرەك», — دەدٸ ا. مامين.
بٷگٸنگٸ تاڭدا ۇلت جوسپارىنىڭ 100 قادامىنىڭ 58-ٸ ورىندالىپ, باقىلاۋدان شىعارىلدى, 3 قادام «رۋحاني جاڭعىرۋ» باعدارلاماسى اياسىندا جٷزەگە اسىرىلىپ جاتىر جەنە قوعامدىق سانانى جاڭعىرتۋ جٶنٸندەگٸ ۇلتتىق كوميسسييانىڭ باقىلاۋىندا.
قالعان 39 قادامدى ٸسكە اسىرۋ بارىسى تۋرالى قر ۇلتتىق ەكونوميكا مينيسترٸ ر. دەلەنوۆ, مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى ا. جايىلعانوۆا, اۋىل شارۋاشىلىعى مينيسترٸ س. وماروۆ, يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, سىرتقى ٸستەر مينيسترٸ م. تٸلەۋبەردٸ, ساۋدا جەنە ينتەگراتسييا مينيسترٸ ب. سۇلتانوۆ, ەنەرگەتيكا مينيسترٸ ق. بوزىمباەۆ, پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ە. سمايىلوۆ جەنە ٷكٸمەتتٸڭ بٸرقاتار مٷشەلەرٸ باياندادى.
پرەمەر-مينيستر كەيٸننەن مەملەكەت باسشىسى ق. توقاەۆقا بەكٸتۋگە جٸبەرۋ ٷشٸن ۇلتتىق ەكونوميكا مينيسترلٸگٸ ۇسىنعان جول كارتاسى مەن جاڭعىرتۋ جٶنٸندەگٸ ۇلتتىق كوميسسييانىڭ جۇمىس جوسپارىنىڭ جوبالارىن بٸر اپتا ٸشٸندە قاراۋدى تاپسىردى.
