ارالاس جەكپە-جەكتەن ەلەم چەمپيونى, قازاقستاندىق مارييا اگاپوۆا UFC-دەگٸ جەڭٸسٸنەن كەيٸن نە سەبەپتٸ امەريكالىق شەنە دوبسوندى ايقاسقا شاقىرعانىن ايتتى, دەپ حابارلايدى Sports.kz سايتى.
مارييا اگاپوۆا - UFC تۋرنيرٸندە ٶنەر كٶرسەتكەن العاشقى قازاقستاندىق قىز.
ەسكە سالا كەتەيٸك, 13 ماۋسىم كٷنٸ لاس-ۆەگاستا كەزدەسۋدٸڭ ٷشٸنشٸ مينۋتىندا ول امەريكالىق حاننا سايفەرستٸ جەڭگەن بولاتىن.
ايقاستان كەيٸن قازاقستاندىق سپورتشى قىز دوبسونمەن جەكپە-جەككە شىققىسى كەلەتٸنٸن مەلٸمدەدٸ.
«UFC-دە مەنٸڭ العاشقى قارسىلاسىم كٸم بولاتىنى تۋرالى مەسەلە تالقىلانعاندا شەنا دوبسوننىڭ ەسٸمٸ اتالدى. الايدا ول باس تارتتى. مەن نەگە ەكەنٸن بٸلمەيمٸن. مٷمكٸن, كوروناۆيرۋسقا بايلانىستى جاعدايىن ويلاپ, سول ٷشٸن باس تارتقان بولار. كٶپتەگەن سپورتشىلار تەۋەكەلگە بارعىسى كەلمەيدٸ. بۇل سەبەپ بولۋى دا, بولماۋى دا مٷمكٸن. بٸراق ول سەبەبٸن تٷسٸندٸرٸپ, جاۋاپ بەرۋدەن باس تارتتى. سودان كەيٸن مەنٸڭ جاتتىقتىرۋشىم موحاممەد لاۆال «مٷمكٸن, جەكپە-جەكتەن كەيٸن شەنا دوبسوندى ايقاسقا شاقىرارسىڭ? ول سەن ٷشٸن جاقسى قارسىلاس بولار ەدٸ» دەدٸ. مەن «نەگە شاقىرماسقا» دەدٸم دە, UFC-دەگٸ ايقاستان كەيٸن ونى جەكپە-جەككە شاقىردىم. ول كەلٸستٸ. ەندٸ بٸز 22 تامىزدا جۇدىرىقتاسامىز», — دەيدٸ مارييا Beyond the Cage پودكاستىنا بەرگەن سۇحباتىندا.
