وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ پەن قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ جاۋاپتى حاتشىسى بولات تٶكەجانوۆ ۇشاق اپاتىنان قازا بولعان دەرٸگەر تالعات پاتساەۆتٸڭ جاقىندارىنا بارىپ كٶڭٸل ايتتى, دەپ حابارلايدى "ۇلت اقپارات" ەكٸمنٸڭ باسپاسٶز قىزمەتٸنە سٸلتەمە جاساپ.
قايعىلى جاعداي بارشا وتانداستارىمىزدىڭ قابىرعاسىن قايىستىرعانىن ايتقان ٶڭٸر باسشىسى, وتباسىلارى ٷشٸن ورنى تولماس اۋىر قايعى ەكەنٸن جەتكٸزدٸ.
«بۇل دەرٸگەرلەر قىزمەتتٸك مٸندەتٸن ورىنداۋ كەزٸندە قازا بولدى. اق حالاتتى ازاماتتاردىڭ ادامداردىڭ ٶمٸرٸن ساقتاپ قالۋ جولىنداعى ادال ەڭبەكتەرٸن ەل ەسٸندە مەڭگٸ ساقتايتىن بولادى. ەۋە اپاتىنان قايتىس بولعان دەرٸگەردٸڭ بٸرٸ تالعات پاتساەۆ - بٸزدٸڭ جەرلەسٸمٸز ەدٸ. 20 جىلدىق ەڭبەك ٶتٸلٸ بار اكۋشەر-گينەكولوگ, مەديتسينا عىلىمدارىنىڭ دوكتورى تالعان اناپيۇلى وسى ۋاقىت ٸشٸندە قانشاما انانىڭ ٶمٸرٸن ساقتاپ قالدى», - دەدٸ ەكٸم.
سونىمەن قاتار, ەكٸم بارشا وڭتٷستٸكقازاقستاندىقتاردىڭ اتىنان قازا ەكيپاج مٷشەلەرٸ - ەۋە كەمەسٸنٸڭ كومانديرٸ گەنناديي تسوي, ەكٸنشٸ ۇشقىش ەۆگەنيي كۋتافين, اۆياتەحنيك بەيشٸبەك احماتباەۆتىڭ تۋعان-تۋىستارى مەن جاقىندارىنا كٶڭٸل ايتامىن, - دەدٸ.
تالعات پاتساەۆ 2009 جىلدان قازٸرگٸ تاڭعا دەيٸن قر دەنساۋلىق ساقتاۋ مينيسترلٸگٸنٸڭ اكۋشەرلٸك ٸس, گينەكولوگييا جەنە پەريناتولوگييا عىلىمي ورتالىعىنىڭ وپەربلوك مەڭگەرۋشٸسٸ قىزمەتٸن اتقارعان. جوعارعى ساناتتاعى مامان بولعان. جۇبايى نۇرجامال جاردەماليەۆامەن ەكٸ ۇل تەربيەلەپ, ٶسٸرگەن.
ەسكە سالايىق, 3 قازاندا كەشكٸ ۋاقىتتا الماتىدان شىمكەنتكە دەرٸگەرلەر بريگاداسى اۋىر جاعدايدا جاتقان جٷكتٸ ەيەلگە كٶمەكتەسۋ ٷشٸن سانيتارلىق اۆيارەيسٸمەن جولعا شىققان بولاتىن. «ان-28» ۇشاعى ساعات 18:47-دە الماتىدان 28 شاقىرىم قاشىقتىقتا روداردان جوعالىپ كەتٸپ, ساعات 19.15-تە ۇشاق الماتى وبلىسى ٸلە اۋدانىنىڭ مەجدۋرەچينسك اۋىلى ماڭىندا اپاتقا ۇشىراپ, ٶرتەنگەنٸ حابارلانعان.
