جەكسەنبٸ كٷنٸ وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ بالمۇزداق جەپ, جٸتٸ ٸشەك ينفەكتسيياسىن جۇقتىرىپ, اۋرۋحاناعا تٷسكەن ناۋقاستاردىڭ جاعدايىمەن تانىسىپ, جەدەل شتاب وتىرىسىن ٶتكٸزدٸ, دەپ حابارلايدى "ۇلت اقپارات".
الدىن-الا انىقتالعان دەرەك بويىنشا, ناۋقاستار قالاداعى «يۋجنىي» ساۋدا نٷكتەسٸنەن بالمۇزداق ساتىپ الىپ جەگەن. ولاردىڭ العاشقى لەگٸ شىمكەنت قالالىق جۇقپالى اۋرۋلار اۋرۋحاناسىنا 29-30 ناۋرىز كٷندەرٸ جەتكٸزٸلگەن. ناۋقاستار بٸرنەشە رەت توقتاماي قۇسۋ مەن ٸش ٶتۋگە شاعىمدانعان. بٷگٸنگٸ ۋاقىتتا ناۋقاستاردىڭ 38-ٸ ٷيلەرٸنە جٸبەرٸلسە, قالعاندارىنا تيٸستٸ ەم-دوم كٶرسەتٸلٸپ جاتىر.
ورىن العان جاعدايعا بايلانىستى وبلىس ەكٸمٸنٸڭ تاپسىرماسىمەن ارنايى جۇمىس توبى قۇرىلىپ, قىزمەتتٸك تەكسەرۋ شارالارى باستالدى. ناۋقاستاردىڭ حال-احۋالى وبلىستىق دەنساۋلىق ساقتاۋ باسقارماسىنىڭ جٸتٸ قاداعالاۋىنا الىندى. وبلىس ەكٸمٸ ناۋقاستاردىڭ تەز ارادا ساۋىعىپ كەتۋٸنە بارلىق جاعدايلاردى جاساۋ كەرەكتٸگٸن ەسكەرتٸپ, جاۋاپتى باسقارماعا قوسىمشا دەرٸگەر مامانداردى تارتۋعا تاپسىرما بەردٸ.
«بارلىق ناۋقاستاردىڭ جاعدايىمەن تانىسىپ شىقتىم. بٷگٸنگٸ كٷنگە ولاردىڭ جاعدايى تۇراقتى, بارلىق تيٸستٸ ەم-دوم كٶرسەتٸلۋدە. اۋرۋحانادا دەرٸ-دەرمەك پەن تٶسەك ورىندارى جەتكٸلٸكتٸ. ەڭ باستىسى – ناۋقاستاردىڭ تەز جازىلىپ كەتۋٸنە بارلىق جاعداي جاساۋىمىز قاجەت. وسى رەتتە مەن شىمكەنت قالالىق جۇقپالى اۋرۋلار اۋرۋحاناسىنداعى جۇمىس كەستەسٸن كٷشەيتۋدٸ تاپسىرامىن», - دەدٸ جانسەيٸت قانسەيٸتۇلى.
شتاب وتىرىسىندا ورىن العان وقيعانىڭ سەبەپ-سالدارى تالقىلاندى. مامانداردىڭ ايتۋىنشا, جٸتٸ ٸشەك ينفەكتسييا سانيتارلىق ەپيدەميولوگييالىق تالاپتاردىڭ ساقتالماۋىنان ورىن العان. قازٸرگٸ تاڭدا قوسىمشا ساراپتاما جۇمىستارى جٷرگٸزٸلۋدە. ال مۇنداي دەرتكە شالدىققاندار شۇعىل جاسالعان ەمەننەن سوڭ ساۋىعىپ, وتباسىلارىنا ورالۋدا.
اتالعان وقيعاعا بايلانىستى ٶڭٸر باسشىسى وبلىستىڭ قوعامدىق دەنساۋلىق ساقتاۋ دەپارتامەنتٸنٸڭ جۇمىسىن سىنعا الدى. جالپى قوعامدىق تاماقتاندىرۋ ورىندارى تۇرعىندارعا قىزمەت كٶرسەتۋدە سانيتارلىق نورمالاردى قاتاڭ ساقتاۋعا مٸندەتتٸ. ەڭ بٸرٸنشٸ كەزەكتە حالىقتىڭ دەنساۋلىعى قىمبات ەكەنٸن ەسكەرٸپ, جاۋاپتى دەپارتامەنت تاماقتاندىرۋ ورىندارىنا تيٸستٸ قاداعالاۋ جٷرگٸزۋٸ قاجەت.
ال وقيعاعا وراي وقو ٸشكٸ ٸستەر دەپارتامەنتٸ قىلمىستىق ٸس قوزعاپ, سوتقا دەيٸنگٸ تەرگەۋ جۇمىستارىمەن اينالىسۋدا.
