تٷركٸستان وبلىسىندا ساتىپ الۋ قۇقىعىنسىز جالعا بەرٸلەتٸن 73 كٶپقاباتتى تۇرعىن ٷي سالىنۋدا. بيۋدجەت ەسەبٸنەن بوي كٶتەرٸپ جاتقان ٷيلەردە بارلىعى 2449 پەتەر بولادى. بيىل ونىڭ 500-ٸ, ياعني 35 تۇرعىن ٷي پايدالانۋعا بەرٸلەدٸ. بۇل تۋرالى بٷگٸن تٷركٸستان وبلىستىق ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە قۇرىلىس باسقارماسىنىڭ باسشىسى قۇتتىبەك جاماشەۆ مەلٸم ەتتٸ, دەپ حابارلايدى "ۇلت اقپارات".
وبلىس ەكٸمدٸگٸنٸڭ باسپاسٶز قىزمەتٸنەن مەلٸم ەتكەندەي, بۇدان ٶزگە, تۇرعىن ٷيلەر سالىنىپ جاتقان اۋدانداردا مەملەكەت قاراجاتى ەسەبٸنەن 9 نىساننىڭ قۇرىلىسى جٷرگٸزٸلۋدە.
ەسكە سالساق, تٷركٸستان قالاسىنىڭ باس جوسپارىن قايتا ەزٸرلەۋ بويىنشا اعىمداعى جىلدىڭ 12 شٸلدەسٸندە حالىقارالىق كونكۋرس جارييالانعان بولاتىن.
«قايتا ەزٸرلەنگەن باس جوسپارعا سەيكەس, «تۇرعىن ٷي قۇرىلىسىن دامىتۋ» تۇجىرىمداماسى بەكٸتٸلەتٸن بولادى. تٷركٸستان وبلىسىنىڭ ەكٸمٸ جانسەيٸت تٷيمەباەۆتىڭ يدەياسى بويىنشا تٷركٸستان قالاسىن تٷركٸ ەلەمٸنٸڭ رۋحاني-مەدەني ورتالىعى رەتٸندە دامىتۋ ماقساتىندا جاڭادان سالىناتىن كٶپقاباتتى ٷيلەر قوجا احمەت ياساۋي كەسەنەسٸنەن بيٸك بولمايدى. ٶيتكەنٸ - ماۆزولەي مٷمكٸندٸگٸنشە قالانىڭ بارلىق جاعىنان كٶرٸنۋٸ قاجەت. سالىناتىن باسپانالار ورتا ازييالىق ستيلدە, ياعني كٶنە دەۋٸردەگٸ سەۋلەتپەن سالىنادى», - دەدٸ قۇتتىبەك راحماتتۋللاۇلى.
قر ٷكٸمەتٸنٸڭ 22.06.2018 جىلعى № 372 قاۋلىسىمەن بەكٸتٸلگەن «نۇرلى جەر» مەملەكەتتٸك تۇرعىن ٷي باعدارلاماسى اياسىندا اعىمداعى جىلى تٷركٸستان وبلىسى ٷشٸن تۇرعىن ٷيدٸ پايدالانۋعا تاپسىرۋ جوسپارى 344,7 مىڭ شارشى مەتر بولىپ بەلگٸلەنگەن. 2018 جىلدىڭ 6 ايىنىڭ قورىتىندىسى بويىنشا, 202,4 مىڭ شارشى مەتر تۇرعىن ٷي پايدالانۋعا بەرٸلٸپ, ٶتكەن جىلدىڭ وسى مەرزٸمٸمەن سالىستىرعاندا 30 پايىزعا ارتقان.
وبلىستا 2018 جىلى قارجىلاندىرۋدىڭ بارلىق كٶزدەرٸ ارقىلى 79 كٶپقاباتتى تۇرعىن ٷيدٸڭ قۇرىلىسى جٷرگٸزٸلۋدە. جىل قورىتىندىسىمەن 35 ٷي پايدالانۋعا بەرٸلەدٸ. قۇرىلىس جۇمىستارىنىڭ ناقتى كٶلەم يندەكسٸ بويىنشا 2018 جىلدىڭ جوسپارى - 140,8 ملرد تەڭگە. بۇل مەجە التى ايدىڭ قورىتىندىسى بويىنشا 117,8 پايىزعا ورىندالدى.
