بٷگٸن تٷركٸستان قالاسىنداعى «ۇلى دالا ەلٸ» ورتالىعىندا تٷركٸستان وبلىسى ەكٸمدٸگٸنٸڭ ۇيىمداستىرۋىمەن كٶرنەكتٸ مەملەكەت جەنە قوعام قايراتكەرٸ اسانباي اسقاروۆتىڭ 100 جىلدىعى اياسىندا «ەلٸم دەگەن ەر اسانباي» تانىمدىق كونفەرەنتسيياسى ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
باسقوسۋعا الماتى, شىمكەنت قالالارى مەن جامبىل وبلىسىنان اسانباي اسقاروۆپەن قىزمەتتەس بولعان تٷرلٸ سالانىڭ ارداگەرلەرٸ, قوعام قايراتكەرلەرٸ, عالىمدار, تۋىستارى, ٶڭٸردٸڭ ازاماتتارى مەن بەلسەندٸ جاستار قاتىستى. الدىمەن قوناقتار ۇلى تۇلعانىڭ 100 جىلدىعىنا ارنالعان «ۇلى تۇران پەرزەنتٸ» اتتى كٶرمەنٸ تاماشالادى.
ەل رۋحانيياتى ٷشٸن ماڭىزدى جيىندى وبلىستىق ارداگەرلەر كەڭەسٸنٸڭ تٶراعاسى جەڭٸسبەك مەۋلەنقۇلوۆ جٷرگٸزٸپ وتىردى. كونفەرەنتسييانى تٷركٸستان وبلىسى ەكٸمٸنٸڭ ورىنباسارى سەكەن قالقامانوۆ اشىپ بەردٸ.
«بارلىقتارىڭىزدى ەلدٸڭ ٶتكەنٸ مەن ەرتەڭٸن بايلانىستىرىپ, تاريحقا بويلايتىن جيىننىڭ اشىلۋىمەن قۇتتىقتايمىن. بٸز بٷگٸن كٶرنەكتٸ مەملەكەت جەنە قوعام قايراتكەرٸ, تاريحي تۇلعا اسانباي اسقاروۆتىڭ ٶنەگەسٸ مەن ٶمٸرٸنە ارنالعان تانىمدىق كونفەرەنتسييادا باس قوسىپ وتىرمىز. بٷگٸنگٸ جيىندا ەلدٸك, ۇلتتىق مٷددەنٸ العا قويعان اسانباي اعامىزدىڭ ەڭبەكتەرٸن ەل اراسىنا كەڭٸنەن ناسيحاتتاۋ باعىتىندا ۇتىمدى ۇسىنىستار, پٸكٸرلەر ايتىلادى دەپ سەنەمٸن», – دەدٸ سەكەن امانگەلدٸۇلى.
سودان سوڭ بەلٸگٸلٸ جازۋشى, اۋدارماشى بٸرنەشە تانىمدىق كٸتاپتىڭ اۆتورى مۇحتار قازىبەك «اسانباي اسقاروۆ – ۇلتىمىز ۇلىقتايتىن تۇلعا» تاقىرىبىندا بايانداما جاساپ, تۇلعانىڭ ٶمٸرٸ مەن ەڭبەك جولى تۋرالى تىڭ دەرەكتەر مەن ەرەكشە قىرلارىن اشىپ, ەستەلٸكتەر ايتتى.
«1978 جىلى سەۋٸر ايىندا ا.اسقاروۆ وڭتٷستٸك قازاقستان وبلىستىق پارتييا كوميتەتٸنٸڭ بٸرٸنشٸ حاتشىسى بولىپ اۋىستى, بۇل قىزمەتتە 1985 جىلعى ماۋسىم ايىنا دەيٸن ٸستەدٸ. اسانباي اسقاروۆتىڭ وڭتٷستٸك قازاقستان وبلىسىن باسقارعان جىلدارى دا ٶتە جەمٸستٸ بولدى, ٶڭٸردٸ قايتا تٷرلەندٸردٸ, جاڭعىرتتى, بۇرىن-سوڭدى ەشكٸم قولعا الا الماعان جوبالاردى ٸسكە اسىردى. شىمكەنتتٸڭ شىرايىن كەلتٸردٸ, قالاداعى ٸرٸ ٶندٸرٸس ورىندارىن جاڭعىرتىپ, قازاق جاستارىنىڭ, قازاق كادرلارىنىڭ ٶسۋٸنە بارىنشا مٷمكٸندٸك جاسادى. دەندروساياباق, زووپارك, اتشابار, بالالار تەمٸر جولىن سالدىرىپ, دەمالىس ايماعىن ەرەكشە دامىتتى», – دەدٸ ول ٶز بايانداماسىندا.
ەرٸ قاراي كونفەرەنتسييا جارىسسٶزگە ۇلاستى. مۇندا بٸرنەشە اۋدانعا باسشى بولعان, ەڭبەك ارداگەرٸ, ەل يگٸلٸگٸ جولىندا ايانباي تەر تٶككەن يسمات تۇرسىنقۇلوۆ, سول كەزدە سوزاق اۋدانىنا باسشى بولىپ, ٶڭٸردٸڭ ٶركەندەۋٸنە ٷلەس قوسقان ەڭبەك ارداگەرٸ دوسىباي شەرٸمقۇلوۆ, جامبىل وبلىسىنان كەلگەن جازۋشى دراماتۋرگ, «جامبىل وبلىسىنىڭ قۇرمەتتٸ ازاماتى» ەلٸمجان ەلەن مەن ٶزگە دە ازاماتتار تۇلعا تۋرالى ويلارىن ايتتى. وبلىستىق مەسليحات حاتشىسى قايرات بالابيەۆ پەن «AMANAT» پارتيياسى تٷركٸستان وبلىستىق فيليالىنىڭ اتقارۋشى حاتشىسى بەيسەن تەجٸباەۆ تا كونفەرەنتسييا تٶرٸنەن تابىلدى.
مەملەكەت جەنە قوعام قايراتكەرٸ اسانباي اسقاروۆتىڭ تۇلعاسىن اشۋ, ەڭبەگٸن ناسيحاتتاۋ بارىسىنداعى پٸكٸرلەر, ۇسىنىستار ەسكەرٸلٸپ, بۇل باعىتتاعى جۇمىستار جٷيەلٸ تٷردە جالعاسادى.
