تٷركٸستان وبلىسىنىڭ تٶلەبي اۋدانىندا قۇيىندى جەلدەن شاتىرى بٷلٸنگەن مەكتەپتٸ قالپىنا كەلتٸرۋ جۇمىستارى جٷرگٸزٸلۋدە. قازٸر وقيعا ورنىندا ارنايى كوميسسييا قۇرىلىپ, شىعىن كٶلەمٸ انىقتالىپ جاتىر, دەپ حابارلايدى "ۇلت اقپارات".
اۋداندىق ەكٸمدٸكتٸڭ مەلٸمەتٸنشە, كەشە «جىلانبۇزعان» جالپى ورتا مەكتەبٸنٸڭ شاتىرى قاتتى جەلدٸڭ سالدارىنان تٷگەلدەي ۇشىپ كەتكەن. تٶتەنشە جاعداي جەكسەنبٸدە ورىن العاندىقتان, عيماراتتا كٷزەت قىزمەتٸنەن ٶزگە ەشكٸم بولماعان. ابىروي بولعاندا, زارداپ شەككەندەر جوق.
«دٷيسەنبٸدە شاتىرى ۇشقان مەكتەپتٸ قالپىنا كەلتٸرۋ جۇمىستارىنا تٶلەبي اۋدانىنىڭ ەكٸمٸ باۋىرجان وماربەكوۆتٸڭ باسشىلىعىمەن شۇعىل كوميسسييا قۇرىلىپ, قازٸرگٸ تاڭدا كٶرشٸ سۇلتان-رابات مەكتەپتەرٸنەن كەلگەن ەرٸكتٸلەر شاتىر قالدىقتارىن جيناستىرۋ جۇمىستارىنا كٶمەك كٶرسەتٸپ جاتىر. ەزٸرگە, مەكتەپ وقۋشىلارى كٶرشٸ اۋىلدىڭ بٸلٸم ۇياسىنا بٸر اپتاداي قاتىناپ, وقيتىن بولادى. ول ٷشٸن اۋداندىق بٸلٸم بٶلٸمٸ تاراپىنان تاسىمال ۇيىمداستىرىلادى», - دەلٸنگەن ەكٸمدٸكتٸڭ حابارلاماسىندا.
ايتا كەتەيٸك, 300 ورىندىق «جىلانبۇزعان» جالپى ورتا مەكتەبٸ 2014 جىلى پايدالانۋعا بەرٸلگەن. 5 جىلعا دەيٸن قۇرىلىسىن جٷرگٸزگەن مەردٸگەر كومپانييانىڭ كەپٸلدٸك مەرزٸمٸنٸڭ اياقتالۋىنا بايلانىستى, تابيعي اپات سالدارىن جويۋ اۋدان بيۋدجەتٸنەن جٷرگٸزٸلەتٸن بولادى.
9 اقپان كٷنٸ جىلانبۇزعان اۋىلىندا داۋىلدى جەل سالدارىنان مەكتەپتٸڭ شاتىرى بٷلٸنگەنٸ جٶنٸندە بۇعان دەيٸن جازعان بولاتىنبىز. سونداي-اق ەلوردا ۋاقىتىمەن شامامەن 20:00-دا جىلدامدىعى سەكۋندىنا 30 مەترگە جەتەتٸن قاتتى جەل «سولتٷستٸك-وڭتٷستٸك» ترانزيتٸنٸڭ 500 كۆ (ۆل-500كۆ) جوعارى كەرنەۋلٸ جەلٸسٸن زاقىمدادى. بۇل, قازاقستاننىڭ بٸرتۇتاس ەلەكتر ەنەرگەتيكالىق جٷيەسٸنٸڭ (بەج) وڭتٷستٸك ايماعى مەن ورتالىق ازييانىڭ بٸرٸككەن ەنەرگييا جٷيەسٸن بەج-دەن اجىراتتى. سالدارىنان الماتى, قىزىلوردا, جامبىل جەنە تٷركٸستان وبلىستارى ٸشٸنارا ەلەكتر قۋاتىنسىز قالدى. ساعات 21:27-دە جەلٸنٸڭ جۇمىسى تولىعىمەن قالپىنا كەلتٸرٸلدٸ.
