ٷركٸستان وبلىسى لەڭگٸر قالاسىنىڭ 99 جاستاعى تۇرعىنى الەكساندرا پەتروۆنا كاپۋستينا كوروناۆيرۋستان ساۋىعىپ شىقتى, دەپ حابارلايدى "ۇلت اقپارات".
ارداگەردٸ اۋرۋحانا دەرٸگەرلەرٸ ەرەكشە قوشامەتپەن شىعارىپ سالدى. ارداگەرگە كوروناۆيرۋس دياگنوزى وسىدان ەكٸ اپتا بۇرىن قويىلعان.
ناۋقاستىڭ دەنە قىزۋى كٶتەرٸلٸپ, ٶكپەسٸ قابىنىپ, ەلسٸرەگەن. ول شۇعىل تٷردە لەڭگٸر قالالىق اۋرۋحاناسىنا جاتقىزىلادى.
اۋرۋحاناعا ناۋقاس ەكٸ جاقتى پوليسەگمەنتارلى پنەۆمونييامەن تٷسكەن.
دەرٸگەرلەردٸڭ جەدەل جٷرگٸزگەن ەمدٸك شارالارىنىڭ كٶمەگٸمەن ەكٸ اپتادا قارييا كوروناۆيرۋستان قۇلان-تازا ايىققان.
دەنساۋلىعىنىڭ مىقتىلىعىنىڭ ارقاسىندا وعان ٶكپەنٸڭ جاساندى دەم بەرۋ اپپاراتى قاجەت بولماعان.
1922 جىلى دٷنيەگە كەلگەن قارت ەجە - ەكٸنشٸ دٷنيەجٷزٸ سوعىسىنىڭ ارداگەرٸ.
«گوسپيتالگە ٶتە اۋىر حالدە تٷستٸم. ٶزٸمدٸ ناشار سەزٸنٸپ, ٶتە مٷشكٸل حالدە ەدٸم. مەنٸ شۇعىل تٷردە وسىندا الىپ كەلٸپ, ەمدەدٸ. مۇندا مەن ادامنىڭ ادامعا دەگەن قامقورلىعىن سەزٸندٸم. بارلىق دەرٸگەرلەرگە العىس ايتامىن», - دەيدٸ 99 جاستاعى سوعىس ارداگەرٸ.
